Chelsea vendosi rekord të padëshiruar në Ligën Premier pas publikimit të llogarive financiare

Chelsea është bërë klubi i parë në histori të Ligës Premier që ka arritur një miliard euro humbje pasi llogaritë e tyre të fundit financiare u bënë publike ditë më parë.

Todd Boehly dhe aksionarë të tjerë morën kontrollin e klubit londinez në verën e vitit 2022, me afatin e tyre të parë të transferimit të përfshirë në raportin 2021/22.

Chelsea deklaron se 350 milionë euro u shpenzuan gjatë afatit kalimtar të verës, me prurjet e janarit që do të përfshihen në raportin e vitit të ardhshëm.

Lexo po ashtu John Obi Mikel qesh me idenë që Graham Potter do të menaxhonte me Chelsean në epokën e Roman Abramovich

Megjithatë, pjesa më e keqe e këtij raporti është humbja e fundit operative prej 300 milionë euro për sezonin 2021/22, e cila sheh totalin e tyre kumulativ të arrijë në një miliard euro për herë të parë në historinë e Ligës Premier.

Pronarët e rinj shpenzuan gjithashtu shuma të konsiderueshme për të vulosur blerjen e tyre, me ish-drejtoreshën Marina Granovskaia që mori 40 milionë euro për rolin e saj në përfundimin e shitjes, plus një tarifë më të vogël kompensimi pasi u largua nga klubi.

16 milionë euro u ndanë gjithashtu mes drejtorëve të tjerë të përfshirë në shitje.

Lexo po ashtu Dikush e parashikoi saktë sesi do të përfundonte Chelsea në këtë sezon

Lajmet financiare vijnë mes shqetësimeve mbi aftësinë e Chelseat për të përmbushur rregulloret e UEFA-s për Fair Play-n Financiar, ndërsa përgatiten të humbasin futbollin e Ligës së Kampionëve sezonin e ardhshëm.

Blutë kanë rënë në vendin e 11-të në Ligën Premier dhe përballen me një betejë të vështirë për të vulosur çdo formë të futbollit evropian vitin e ardhshëm, me triumfin në Ligën e Kampionëve të këtij sezoni, ndoshta rruga e tyre e vetme për t’u kthyer në kompeticion. /Telegrafi/