“Çfarëdo që të ndodh, Ancelotti do të vazhdojë”, Carvajal mbështet publikisht trajnerin e Real Madridit

Mbrojtësi i Real Madridit, Dani Carvajal ka mbështetur trajnerin e tij Carlo Ancelotti që të jetë në klub pavarësisht se çfarë ndodh, pavarësisht spekulimeve për të ardhmen e tij.

Në mars u duk sikur Ancelotti mund të largohej nga klubi, duke qenë nën presion për formën e tyre në ligë dhe duke marrë interes të madh nga kombëtarja braziliane.

Pas barazimit 1-1 të Real Madridit me Manchester Cityn në gjysmëfinalet e Ligës së Kampionëve, Carvajal i ka thënë Cadena Cope se ai do të jetë në sezonin e tyre i ardhshëm pavarësisht se çfarë.

Lexo po ashtu Perez e konfirmon Ancelottin në krye të Real Madridit: Jemi të lumtur me të

“Çfarëdo që të ndodhë, ai do të vazhdojë. Jemi një hap larg një finale tjetër të Ligës së Kampionëve, kemi fituar Kupën, si klubi ashtu edhe lojtarët janë të kënaqur me punën e tij”, ka thënë fillimisht Carvajal.

Ai gjithashtu kishte fjalë lavdëruese për skuadrën e tij, të cilën ai e ndjente se ishin mjaft të mirë për t’u përballur me një nga skuadrat më të mira në botë.

“Ata janë lojtarë të klasit botëror, është një skuadër që e trajton mirë topin… por një City superior ndaj Real Madridit nuk është parë”.

“Skuadra ndihet mirë dhe ne luajtëm një lojë të shkëlqyer. Kemi tetë ditë për të rikuperuar energjinë tonë”, përfundoi spanjolli.

Lexo po ashtu Brazili është optimist për emërimin e Ancelottit

Kjo deklaratë e Carvajal e lë Federatën e Futbollit të Brazilit (CBF) në një pozitë të vështirë, pasi e ka ndjekur publikisht italianin dhe tani duket se ai do të qëndrojë.

Ata e shpallën atë objektivin e tyre numër një, dhe kanë shmangur takimin për gjashtë muaj për të pritur Ancelottin, por tani mund të duhet të fillojnë nga e para pasi janë lënë në altar. /Telegrafi/