Boateng në dashuri me Milanin: Refuzova Interin, Ancelotti mund t’i nxjerrë nga kjo situatë – Përdorni teknologjinë kundër racizmit
Kevin-Prince Boateng ka zbuluar se ka refuzuar kalimin te Interi dhe e shikon Carlo Ancelottin si trajnerin që mund të zgjidhë problemet e Milanit.
Mesfushori ganez, i lindur në Gjermani, në 114 paraqitje për Rossonerët ka shënuar 18 gola dhe ka fituar një Scudetto dhe Superkupë të Italisë.
30-vjeçari pas gjithë këtyre e kujton klubin italian me shumë dashuri.
“Në aspektin e emocioneve dhe dashurisë, tre vitet te Milani ishin sa 10 tek të tjerat”, ka thënë Boateng për La Gazzetta dello Sport nga klubi i tij i ri, Eintracht Frankfurt.
“Largimi nga Las Palmas gjatë verës ishte më i vështiri që kur largova nga Milani. Kisha të gjitha atje, një grup të ri dhe atmosfere fanatike, por rikthimi në Gjermani ishte detyrë si baba dhe burrë”.
Boateng vazhdon të ndjek situatën e ish-klubit të tij në Serie A dhe normalisht që nuk mungon edhe komenti i tij, transmeton Telegrafi.
“Do ishte ëndërr të rikthehej Ancelotti te Milani, nuk ka trajner më të mirë se ai për atë punë. Në disa klube, thjesht duhet të fitosh, fotelja fillon ‘të nxehet’ në momentin që nënshkruan kontratë. Mos harroni, vite më parë Mialni shkarkoi Max Allegrin”.
“Ata nuk bënë mirë ndaj AEK-ut (barazuan me rezultat 0-0), por shikova një Milan të mirë ndaj Interit. Fatkeqësisht Mauro Icardi është një nga top sulmuesit më të mirë në botë dhe ka një instinkt vrasës. Lojtarët e vetëm të Milanit që mund të bëjnë diferencën janë Leonardo Bonucci, Gigio Donnarumma dhe Suso, por unë shikoj te skuadra probleme vendosmërie”.
“Bonucci ishte përkrah shumë kampionëve te Juventusi, tani te Milani është lider dhe kjo mund t’i krijojë pak vështirësi. Me kohën jam i bindur se ai do të tregojë se ende është një nga më të mirët”.
“Nuk më pëlqen formacioni 3-5-2 dhe nuk më ka pëlqyer kurrë, më jep përshtypjen se mendohet më shumë për mbrojtjen”.
Boateng u pyet se a ndjen ndonjë keqardhje për kohën sa ishte pjesë e Mialnit dhe se a ishte i vërtetë interesimi i Interit, shkruan Telegrafi Sport.
“Në disa momente mund të bëja më mirë, posaçërisht në sezonin e tretë, por më mungonte dikush nga jashtë fushës që të më ndihmonte. Sidoqoftë, nuk kam keqardhje, kam luajtur në ndeshje të rëndësishme dhe fituar”.
“Është e vërtetë, Interi më kërkoi, por aty përgjithmonë ishte vetëm Milani. Mund të zgjidhja edhe klubet tjera, jo vetëm Interin, por jam njëri i fjalës”.
Boateng ka shpenzuar shumicën e karrierës duke luftuar racizmin në futboll dhe për këtë komenti i tij është:
“Lojtarët dëshirojnë të transferohen në Serie A, por kanë frikë nga racizmi. Nuk duhet të befasoheni nëse zgjedhin të luajnë diku tjetër. Ka shumë fjalë dhe pak vepra. Do sugjeroja një sistem ad-hok të sistemit VAR për të ndalur racizmin nga tifozët. Aktualisht ka mijëra kamera në stadium, shumica nga ato të drejtuara nga tifozët, pra pse nuk e përdorin teknologjinë për këtë? Ndëshkoni ata që janë fajtorë”, e përmbylli mesfushori intervistën për GdS. /Telegrafi/
Promo
Reklamo këtuLufta Prigozhin - Putin
Më shumëNga Rubrika
FA Cup konfirmon dy ndryshime të mëdha nga sezoni i ardhshëm
Ndryshojnë në mënyrë drastike shanset, superkompjuteri vjen me parashikim të ri për Ligën e Kampionëve
Dy lojtarë ‘refuzuan’ të ekzekutonin penalltinë në ndeshjen Man City-Real Madrid
Portieri i Real Madridit u ndihmua nga bashkëlojtarët e tij para pritjes së penalltisë së Kovacicit, njëri luajti rol kyç
Lojtarët e Barcelonës e kanë ndjekur Mbappen në tunel pas humbjes nga PSG
Tifozët e Arsenalit gjetën justifikimin për humbjen: Bayern mashtroi Topçinjtë me një truk "të pistë"
Bellingham: Hera e parë që vëllai im më pa të luaja për Real Madridin, jam vërtetë krenar
“Fati nuk ekziston, por çfarë mënyrë fantastike për të humbur”, Guardiola pranon humbjen nga Real Madridi
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin