Biden: Netanyahu po i bën më shumë dëm Izraelit sesa që po e ndihmon

Presidenti amerikan Joe Biden, ka deklaruar se Benjamin Netanyahu “po i bën më shumë dëm Izraelit sesa që po e ndihmon”.

Biden gjithashtu tha se Izraeli nuk mund të ketë 30 mijë palestinezë tjerë të vrarë, si “pasojë” e ndjekjes së militantëve të Hamasit, transmeton Telegrafi.

Shkaktimi i viktimave masive të civilëve është gjithashtu “në kundërshtim me atë që përfaqëson Izraeli”, shtoi ai.

Washingtoni i ka bërë thirrje kryeministrit izraelit që të mos e fillojë një ofensivë të madhe në jug të Gazës derisa të mos realizohet plani për evakuimin masiv të civilëve.

Më shumë se gjysmë e 2.3 milionë banorë të Gazas, aktualisht gjenden në Rafah.

Biden këmbëngulë se Netanyahu duhet t’i kushtojë “më shumë vëmendje jetëve të civilëve që po humben si pasojë e veprimeve të ndërmarra”.

Ai gjithashtu bëri thirrje për një armëpushim gjashtë-javor, që do të mundësonte lirimin e të gjitha pengjeve dhe dërgimin e ndihmave. /Telegrafi/

More headlines from Biden on Netanyahu ⬇️

• On ‘come to Jesus’ hot-mic: “I've known Bibi for 50 years and he knew what I meant by it.”
 
• Biden: Netanyahu is “hurting Israel more than helping Israel” amid growing number of casualties “as a consequence of the actions taken.“ pic.twitter.com/0ftj7Z9P6m

— Jacob N. Kornbluh (@jacobkornbluh) March 10, 2024