Dardani ka bërë të ditur ditë më parë se është ftuar nga zëvendës trajneri i kombëtares së Polonisë për t’iu bashkuar në kampin stërvitor për kampionatin EuroBasket 2015.
Mirëpo, Dardani nuk dëshiron të luajë për Poloninë nëse i humbet e drejta që të luajë për Kosovën. Ai tashmë ka bërë kërkesë në Federatën e Basketbollit të Kosovës që t’i mundësohet përsëri rikthimi në përfaqësuesen e Kosovës, në rast se shkon për të luajtur me Poloninë në EuroBasket.
“Duhet të marr një përgjigje të sigurt nga FBK-ja se a mund të luaj këtë vit për Poloninë dhe pastaj të kthehem përsëri në Kosovë”, ka thënë Berisha për Telegrafin.
Berisha ndjehet i entuziazmuar për mundësinë e rikthimit në kombëtaren polake, ku edhe do ketë rastin që të luajë me një ndër yjet e Washington Wizards, Marcin Gortat, si dhe gjigantin e Barcelonës, Maciej Lampe. /Telegrafi/
