Barcelona dhe Juventusi prej kohësh janë në bisedime, pasi të dy skuadrat pëlqejnë lojtarët e njëra tjetrës.

Barcelona po kalon nëpër një krizë financiare dhe këtë vit synimi i kataluansve është shkëmbimi i futbollistëve.

Kjo ka bërë që kampioni në fuqi spanjoll të nisë bisedimet me kampionin aktual të Italisë, për shkëmbim të futbollistëve.

Marca ka raportuar se dy skuadrat janë në bisedime për shkëmbimin e katër futbollistëve, ku dy pritet të kalojnë në Camp Nou dhe dy të tjerë në Torino.

Miralem Pjanic dhe Federico Bernardeschi janë dy yjet e Juventusit që pëlqehen jashtëzakonisht shumë nga Barcelona.

Ndërkohë Zonja e Vjetër pëlqen lojtarët si Arthur Melo, Ivan Rakitic, Nelson Semedo apo Sergi Roberto.

Juventus është gati t’i lë dy lojtarët Pjanic e Bernardeschi në këmbim të njërit nga mesfushorët Arthur ose Rakitc apo njëri nga mbrojtësit Semedo ose Roberto.

Dy klubet kanë raporte të shkëlqyera dhe sipas Marcas një shkëmbim i bujshëm mes tyre pritet të ndodhë në verë. /Telegrafi/