Atletico në aksion kundër Barcelonës për Griezmannin: Sjellje e papranueshme, nuk do ta lëshojmë lojtarin

Spekulimet se Antoine Griezmann do të kalojë te Barcelona, kanë dridhur Atletico Madridin.

Drejtori i Atletico Madridit, Miguel Angel Gil Marin, ka dhënë një deklaratë të fortë kundër aksionit të klubit katalunas për të nënshkruar me sulmuesi francez.

Ka qenë vetë i pari i Barcelonës, Josep Maria Bartomeu, pastaj edhe drejtori Guillermo Amor, e sulmuesi Luis Suarez, e kanë konfirmuar interesim për sulmuesin.

“Jemi të lodhur me sjelljen e Barcelonës”, ka thënë Gil Marin.

“Kur një president, një lojtar dhe një drejtor i klubit flasin në mënyrë të njëjtë, për një lojtar që një kontratë në fuqi, dhe kjo disa ditë larg një finaleje të një gare evropiane, kjo është një mungesë absolute e respektit ndaj Atletiko Madridit dhe të gjithë tifozëve të saj”.

Klauzola e blerjes së Griezmann është 100 milionë euro dhe Gil Marin thotë se Atletico do të ndjekë rrugë të tjera për të marrë kompensim nga Barcelona, ​​nëse ata nënshkruajnë në këtë mënyrë me sulmuesin.

“Pozicioni ynë është shumë i qartë dhe është bërë publike në shumë raste”.

“Asnjëherë nuk kemi negociuar për Griezmann dhe nuk kemi ndërmend ta bëjmë këtë”.

“Personalisht, i thashë presidentit të Barcelonës disa muaj më parë se të drejtat e lojtarit nuk janë në shitje, as nuk do t’i shesim ato”.

“Unë gjithashtu sjelljen e tyre e shoh si të papërshtatshme dhe në kundërshtim me integritetin e konkurrencës, sepse gjatë sezonit kemi qenë duke konkurruar për titullin e ligës dhe Barcelona e ka vënë vazhdimisht nën presion një nga lojtarët më të rëndësishëm të ekipit tonë”.

Sipas Gil Marin, ai i ka thënë Barcelonës që nëse Barcelona e blen lojtarin, do të kërkojë kompensimin për sjelljen e papërshtatshme”.

“Mjaft është mjaft, shpresoj që kjo deklaratë do të na ndihmojë që lojtarët tanë të gëzojnë këtë moment dhe të përgatiten për një finale”, ka thënë Marin. /Telegrafi/