Arsenali i sigurt se oferta e dytë për Havertz do të pranohet nga Chelsea

Arsenali ka dorëzuar një ofertë prej 60 milionë funtesh për të nënshkruar yllin e Chelseat, Kai Havertz, dhe janë ‘të bindur’ se kjo ofertë do të pranohet.

Interesi i Arsenalit për Havertz është zhvilluar relativisht kohët e fundit, me ESPN që pretendon se menaxheri Mikel Arteta ka kërkuar pesë role të ndryshme që gjermani mund të luajë te Topçinjtë.

Ndërsa 23-vjeçari ka kaluar një pjesë të madhe të karrierës së tij në Chelsea duke luajtur në një rol qendërsulmuesi, veçanërisht gjatë sezonit më të fundit, është numri 10, ose roli i mesfushorit sulmues, në të cilën qëndron pozicioni i tij i preferuar.

Lexo po ashtu Arsenali arrin marrëveshje personale me Kai Havertz, tani duhet bindur Chelsea

Ishte pohuar se Arsenali ishte befasuar me çmimin e kërkuar prej 70 milionë funtesh apo rreth 82 milionë euro nga Chelsea për lojtarin.

Por, sipas The Guardian, nevoja e Chelseat për të shitur lojtarë deri më 30 qershor për të shtuar shifrat në periudhën aktuale të llogaritjes së Fair Play Financiar – do të thotë që Topçinjtë besonin se një marrëveshje prej 60 milionë funte apo 70 milionë eurosh do të ishte e arritshme.

Mirëpo, mes interesimit nga Bayern Munich, Arsenali është i prirur për të arritur një marrëveshje të shpejtë – dhe ata tani kanë paraqitur një ofertë të dytë për ta nënshkruar atë pasi propozimi i tyre fillestar u refuzua.

Lexo po ashtu Te Arsenali janë 'shumë të sigurt' që do t'i mbyllin dy marrëveshjet kyçe për këtë afat kalimtar

Sipas Daily Mail, oferta e fundit e Arsenalit përputhet me vlerësimin e lojtarit, edhe pse është ende nën çmimin e kërkuar të Chelseat. Oferta besohet të jetë me vlerë fillestare prej 55 milionë funte (64.2 milionë euro) plus 5 milionë funte (5.8 milionë euro) bonuse.

Shtohet se Havertz i ka dhënë dritën jeshile një lëvizje, me kusht që të dy klubet të bien dakord për kushtet. /Telegrafi/