Adrien Rabiot me shumë gjasa po kalon ditën e fundit si lojtar i Juventusit, pasi futbollisti pritet të largohet nga “Allianz Stadium”.

Për mesfushorin bardhezi ka interesime nga Liga Premier, ku përveç Manchester United edhe Arsenal po kërkon shërbimet e tij.

Sipas “The Mirror”, Arsenali është në kërkim të një mesfushori qendre.

Juventusi pret një ofertë të Manchester United për Adrien Rabiot Juventusi pret një ofertë të Manchester United për Adrien Rabiot

Profilet e lojtarëve nga klubi britanik janë të shumta, duke filluar nga Youri Tielemans e deri te Fabian Ruiz, megjithatë, një blerje më e lirë do t’i lejonte “Topçinjtë” të përdorin fondet për një sulmues qendror, i cili do të zëvendësonte respektivisht Aubameyang dhe Lacazette, të larguar drejt Barcelonës dhe Lyonit.

Për më tepër, Arsenali mund të përfshijë në ofertën për Rabiot edhe Hector Bellerin , një mbrojtës i mirëpritur nga klubi i Juventusit, i cili po kërkon një anësor dhe mbrojtësi spanjoll, që ka gjetur vazhdimësi sezonin e kaluar te Betis, mund të kalojë në Serie A.

“Zonja e Vjetër” e vlerëson Rabiotin në rrethin e 15 milionë euro, duke qenë se kontrata e tij skadon në vitin 2023. /Telegrafi/