Alexander Isak vazhdon të jetë njëri nga sulmuesit e rinj më të mirë në botë.

Sulmuesi i talentuar suedez mbetet dëshira kryesore e Arsenalit për repartin ofensivë, por Topçinjtë nuk e kanë për ngutë për ta transferuar atë në janar.

Pierre Emerick Aubameyang dhe Alexandre Lacazette priten të largohen më së largu në verë nga Arsenali dhe londinezët po e shohin suedezin si sulmuesin e tyre të së ardhmes.

22-vjeçari ka kontratë afatgjate me Real Sociedad deri në verën e vitit 2026, por dëshira e tij është të transferohet në futbollin anglez.

Isak

Përveç Topçinjve, interesim për sulmuesin suedez kanë shprehur edhe skuadrat tjera të mëdha angleze si Manchester City, Chelsea dhe Manchester United. Isak këtë edicion ka shënuar tetë gola dhe ka dhuruar dy asistime në 24 ndeshje zyrtare.

Real Sociedad është gati të heqë dorë nga xhevahiri i tyre, por kërkon të fitojë së paku 60 milionë euro nga shitja e tij. /Telegrafi/