Arbana Osmani zbulon misterin e suspancës së famshme në BBVA, pse priste aq minuta për të thënë emrin

Gjatë një podcasti të thellë me Mira Kazhanin, prezantuesja i zbuloi audiencës pas skenave të “Big Brother VIP Albania”, një nga spektaklet më ndjekur në televizionin shqiptar. Momentet e pritjes së gjata që Arbana Osmani i shtrinte audiencës, duke mbajtur frymën e të shikuarve për të zbuluar emrin e të votuarit nga publiku, janë shpjeguar tani nga vetë ajo.

Arbana Osmani ka rrëfyer se pritjet e gjata, që shpesh shtrinin në minuta të tëra, nuk ishin një vendim personal por pjesë e regjisë dhe trukeve televizive. “Përgjithësisht është regjia që të lajmëron se kur duhet”, tha ajo, duke i dhënë fund misterit të suspancës që mbante në pritje të gjithë vendin.

Mira Kazhani e pyeti Arbana-n nëse ajo kishte kontrollin mbi kohën kur do të shpallej emri i votuarit, duke shpjeguar se sa të rëndësishme janë emocionet dhe si regjia synonte të kapte çdo detaj emocional të konkurrentëve para se të bëhej shpallja.

Lexo po ashtu U tha se kërkoi 600 mijë euro për të prezantuar, Arbana Osmani thyen heshtjen - flet për herë të parë për atë që ndodhi me Big Brother VIP

Në rrjedhën e bisedës, Arbana gjithashtu shprehu lumturinë dhe vlerësimin e saj për mbështetjen që ka marrë nga publiku. Megjithëse Arbana nuk do të vazhdojë më si prezantuese e Big Brother, ajo ndjen se publiku do të mësohet me një figurë të re dhe se nuk e ka pasur të nevojshme të japë shpjegime të detajuara për largimin e saj nga programi.

Arbana Osmani mbylli podcastin duke theksuar se nuk do të jetë një mbrëmje finale e Big Brother pa të dhe se publiku do të vazhdojë të ndjekë programin, me apo pa prezencën e saj.

“Sot unë jam e angazhuar në projekte të reja”, tha ajo, duke theksuar se është fokuar tek jetesa me fëmijët e saj dhe tek të qenurit i pranishëm në çdo moment të jetës së përditshme, duke shijuar çdo ditë si një thesar të çmuar. /Telegrafi/