Antonio Pintus: Heroi i heshtur pas suksesit të Realit, çdo gjë që duhet të dini për italianin që Zidane e njohu te Juve (Foto/Video)

Real Madridi fitoi në finale të Ligës së Kampionëve ndaj Juventusit me rezultat 1-4, duke treguar nivel të lartë të lojës, posaçërisht në pjesën e dytë.

Të gjithë u habitën me përgatitjen fizike të Los Blancos këtë sezon dhe posaçërisht në finalen e Cardiffit.

Pas kësaj qëndron Antonio Pintus, blerja më e rëndësishme e Zinedine Zidanes gjatë verës, por pak i njohur për publikun.

Pintus është trajner i fituesit, është njeriu që bëri lojtarët e Zonjës së Vjetër të djersitën para atyre të Los Blancos.

Zizu e takoi atë 20 vite më parë te Juventusi, i mahnitur nga puna e tij e kërkoi me çdo kusht te Reali dhe në fund spanjollët arritën ta bindin atë të largohet nga Lyoni ku ishte duke punuar së fundmi.

Pintus, një figurë autoritative, italiani iu prezantua lojtarëve si ‘profesor fama’.

“Dëshiron famë, por fama kushton, sepse këtu do të fillosh të paguash: me djersë”.

Zidane kur mori drejtimit e Real Madridit nga Rafa Benitez tha “duhet të përmirësohemi në aspektin fizik”, dhe me italian 54-vjeçar ia arriti.

Gjatë stërvitjes Pintus ndan skuadrën në grupe të ndryshme ku përgatit një sër ushtrimesh atletike, por gjëja kryesore ishte se çdo stërvitje e përfundon me vrapim gjysmë orësh, çdo stërvitje.

Në fillim italiani ishte një nga njerëzit më të urryer nga lojtarët pasi ai i dërmoi me ushtrimet e tij, por ata e kuptuan që kjo është e nevojshme për të arritur sukseset.

Pintus, rreshteri i ushtrisë së Zidanes. /Telegrafi/