Ana Kabashi rrëfen të pathënat: Producentët më kanë kërkuar favore seksuale në të kaluarën

Këngëtarja e njohur nga Peja, Ana Kabashi, ka qenë gjithnjë e hapur në intervista duke folur për jetën e saj profesionale dhe atë private.

Në një intervistë ndryshe së fundmi për “Glamour Roze”, Ana ka treguar se si i ka ndodhur në të kaluarën që të ngacmohet nga meshkujt e estradës.

Në një nga pyetjet më pikante, ajo madje pranoi se i janë ofruar edhe favore seksuale në të kaluarën, në këmbim të ‘karrierës’.

Lexo po ashtu Të gjitha lajmet nga Estrada Shqiptare

“Po ka dhe të tilla raste, ka raste që të ftojnë edhe në studio edhe të thonë: ‘Hajde se ti je këngëtare shumë e mirë, ke vokalin tepër të mirë edhe ta bëj një këngë. Edhe ti shkon në studio, e pastaj mund të të thotë diçka tjetër si për shembull: Ti je shumë e mirë, ti kështu ti ashtu, dua të jesh e imja përndryshe nëse ti nuk je e imja ti nuk do vazhdosh. Unë kam thënë ok dua të dal prej këtu sa më shpejt”, ka treguar ajo.

Ajo tutje vazhdoi se personi në fjalë ishte treguar xheloz edhe nëse ajo do të bënte të dashur.

“Më kanë thënë për shembull: ‘Nëse ti bën të dashur unë do jem xheloz, nëse unë të marr ty në menaxhim’. Aty e ke parë që ai të do edhe si femër edhe si këngëtare edhe si produkt i tij, si me thënë e burgosura e tij”, u shpreh Kabashi, duke bërë të ditur se të tilla favore i kishte hedhur poshtë. /Telegrafi/

View this post on Instagram

Feeling my self in this outfit @wowanstore and the gold accessories from @argjendariaalbani 🥰 #tvshow

A post shared by ANA KABASHI (@annakabashi) on Feb 3, 2020 at 10:16am PST