Amber Heard fotografohet në një dyqan veshjesh të lira, fansat besojnë se imazhet janë të porositura

Amber Heard u fotografua duke blerë rroba në dyqanin TJ Maxx në Hamptons. Ky zinxhir normalisht shet artikuj me çmime më të lira dhe shumë përdorues të rrjeteve sociale mendojnë se ajo i ka porositur këto fotografi që ta bëjë publikun të ndjejë keqardhje për të.

Aktorja është shfaqur duke bërë pazar me motrën e saj, Whitney Henriquez. Ndërkohë që nuk ka asgjë të keqe me blerjen e rrobave më të lira, njerëzit kanë vënë re se ajo po përpiqet të duket sikur është “larguar” nga stili i saj i mëparshëm luksoz.

“Amber mendon se ne jemi budallenj. Ajo padyshim që po përpiqet të fitojë simpati duke blerë në TJ Maxx, sepse po përpiqet të duket e varfër. Përpjekje e mirë”, ka shkruar një përdorues në Twitter.

“TMZ padyshim se ka marrë para për këto fotografi. Gjithçka që bën kjo femër e sëmurë është një shfaqje”, shtoi një tjetër.

Lexo po ashtu Amber Heard iu referohet grekëve gjatë një interviste për të nxitur një breshëri të re kritikash dhe talljesh në rrjetet sociale

“Paparacit nuk lejohen të hyjnë në dyqane apo jo? Atëherë si ia dolën ta fotografonin Amberin në TJ Maxx? A janë vërtet kaq budallenj ata që e mbështesin?”, është edhe një nga komentet.

Kujtojmë që Heard duhet t’i paguajë Johnny Deppit dëmshpërblim miliona dollarësh, pasi aktori e paditi dhe e fitoi gjyqin për shpifje lidhur me një artikull të shkruar në Washington Post në vitin 2018. /Telegrafi/