Allegri për finalen e Kupës: Nëse humbim nga Interi, do ta quajnë sezon katastrofik

Juventus-Inter, derbi i Italisë vjen për të tretën herë në këtë sezon, por këtë radhë për trofeun e Kupës së Italisë.

Trajneri i Juventusit, Massimiliano Allegri, në konferencën për shtyp ka folur për përballjen me Interit dhe veçorit e këtij takimi.

“Mbetem i qetë: për ta fituar do të duhet durim dhe qartësi. Do të luajmë kundër një prej skuadrave më të mira të kampionatit”.

🛫 TRN 🇮🇹 FCO 🛬#JuveInter #CoppaItaliaFrecciarossa #ForzaJuve pic.twitter.com/ffLWzHv81n

— JuventusFC (@juventusfcen) May 10, 2022

“Është një Juve-Inter, një ndeshje që ka qenë gjithmonë shumë e ekuilibruar. Ndoshta episodi i duhur vjen pas dy minutave të para dhe ndeshja zhbllokohet. Është e rëndësishme ta përballojmë ndeshjen me qetësi dhe kompaktësi”, deklaroi fillimisht ai.

Finalja e Kupës së Italisë, për Juventusin, vitet e kaluara ishte si qershia mbi tortë, ndërsa këtë vit i vetmi trofe që mund ta fitojnë.

“Dhe tani është e gjithë torta. Kështu që ne do të bëjmë gjithçka për ta sjellë këtë trofe në shtëpi. Duhet të jemi të vetëdijshëm për forcën tonë dhe të jemi të kthjellët. Është e rëndësishme të fillojmë sërish të fitojmë”.

Bianconeri 𝗠𝗢𝗢𝗗 👊⚪⚫#JuveInter #CoppaItaliaFrecciarossa

— JuventusFC (@juventusfcen) May 10, 2022

“Ne e nisëm keq dhe patëm një ecuri të gjatë. Luajtëm në Ligën e Kampionëve, u eliminuam, por çdo vit përpiqemi të përmirësohemi. Nëse e fitojmë, nuk do ta konsiderojnë një sukses të rëndësishëm, por nëse e humbim, do të jetë një sezon katastrofik për Juventusin. Ne, në ekip dhe në klub, bëjmë vlerësime të ndryshme”, ka thënë Allegri. /Telegrafi/