Allegri flet për Pogban dhe transferimet e reja

Gjatë një konference për shtyp në Australi, aty ku Juventusi po zhvillon fazën përgatitore, trajneri i bardhezinjve Masimiliano Allegri i është përgjigjur interesit të gazetarëve në lidhje me të ardhmen e Pogba.

Tekniku 48-vjeçar ka deklaruar se momentalisht francezi është një lojtar i Juventusit.

“Pogba është një element shumë i rëndësishëm për skuadrën. Për momentin ai është ende një futbollist i Juventusit, por në ditët në vazhdim nuk e di se  çdo të ndodhë. Gjithsesi kam besimin se ai do të vazhdojë të qëndrojë në Torino”.

Lexo po ashtu Juventus konsideron Rakiticin si zëvendësues të Pogbas

Më pas tekniku toskan foli dhe për afatin kalimtar që po zhvillon “Zonja e Vjetër”.

Allegri shprehet i kënaqur me transferimet e deritanishme dhe është i sigurt se në fund të afatit ai do të ketë në dispozicion një skuadër akoma dhe më të fortë .

“Jam shumë i kënaqur me blerjet që po zhvillojnë drejtuesit e klubit. Ata kanë arritur të transferojnë futbollistë të cilët kanë aftësi shumë të mira teknike, siç janë Pjanic, Dani Alves, Benatia dhe Pjaca. Sezoni i ri i Seria A do të na gjejë akoma dhe më të fortë se viti i kaluar”.

Lexo po ashtu Transferimet