Trajneri i Juventusit, Massimiliano Allegri, e ka anashkaluar Cristiano Ronaldon duke thënë se fituesi i Topit të Artë, Lionel Messi, është teknikisht futbollisti më i mirë në botë.

Superylli portugez nuk mori pjesë në ceremoninë e sivjetme të France Football, ndërsa ka pasur kritika të shumta ndaj organizatorit për dhënien e trofeut të shtatë individual për superyllin argjentinas.

“Ata e zgjodhën Messin dhe mund të themi se teknikisht, ai është lojtari më i mirë në botë, mirëpo nuk e di se ku e bazojnë gjykimin e tyre”, ka thënë Allegri në një konferencë për shtyp, citon Tuttomercatoweb.

CR7 ka luajtur një sezon nën urdhrat e strategut italian te Bianconerët, para se trajneri të largohej në vitin 2019.

Ndërsa pas kthimit të Allegrit te Zonja e Vjetër, Ronaldo u largua drejt Manchester Unitedit. /Telegrafi/