Përballja e kryeministrit shqiptar Edi Rama në Këshillin e Sigurimit të OKB-së në Nju Jork me ambasadorin rus ka bërë jehonë në mediat ndërkombëtare.
E përditshmja gjermane “Bild” në një artikull të sajin shkruan se drejtuesi i mbledhjes për Ukrainë në Këshillin e Sigurimit, Edi Rama i vuri frenat me një fjali ankesës së ambasadorit rus.
Në shkrim theksohet se ambasadorit rus nuk i pëlqeu fakti që presidenti ukrainas, Volodymyr Zelensky ishte i pari që foli pas sekretarit të përgjithshëm të OKB-së, Antonio Guterres, njësoj si vitin e kaluar.
“Kjo, sipas mendimit të tij, do ta kthente seancën në një ‘stand-up show’, një ironi, për karrierën e mëparshme të Zelensky si komedian. Dhe gjithashtu, kjo do të dëmtonte imazhin e kreut aktual të OKB-së…
Por, Edi Rama, si kryeministër i Shqipërisë dhe aktualisht kryetar i Këshillit të Sigurimit të OKB-së nuk u acarua nga kjo.
Ai i bëri një goditje tjetër Rusisë me qetësi dhe vendosmëri: ‘Dëshiroj të siguroj kolegët rusë këtu dhe të gjithë të tjerët, se ky nuk është një operacion special i presidencës shqiptare, por një vazhdimësi e një praktike të gjatë dhe të vendosur që përputhet plotësisht me rregulloret e OKB-së’”, thuhet në shkrim.
“Ju jepini fund luftës dhe presidenti Zelensky nuk do të flasë. Kaq e thjeshtë është…”.
Gjermania “Bild” shkruan ndër të tjera se Edi Rama njihet si mendjemprehtë dhe me humor, ndërsa replika e tij me ambasadorin rus shkaktoi të qeshura e nënqeshura në sallën e OKB-së.
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251