Erdogan: Mund të pranojmë që Finlanda t’i bashkohet NATO-s, Suedia do të shokohet

Presidenti turk Recep Tayyip Erdogan, ka deklaruar të dielën për herë të parë se Ankaraja mund të pranojë hyrjen e Finlandës në NATO-s, por pa fqinjin e saj Suedinë.

Komentet e Erdoganit vijnë disa ditë pasi që Ankaraja ndërpreu bisedimet për pranimin e dy vendeve nordike në NATO.

Ai të dielën bëri një dallim të qartë mes qëndrimeve të Suedisë dhe Finlandës gjatë muajve të fundit, transmeton Telegrafi.

“Nëse është e nevojshme, mund të japim përgjigje tjetër lidhur me Finlandën. Suedia do të shokohet kur të japim tjetër përgjigje për Finlandën”, shtoi Erdogan.

Lexo po ashtu Finlanda pas zgjedhjeve në Turqi, beson se mund të ketë përparim në anëtarësimin në NATO

Presidenti turk ritheksoi kërkesën e tij që Suedia t’ia dorëzojë të dyshuarit, që Ankaraja i kërkon prej kohësh.

“Nëse dëshironi të hyni në NATO, na i dorëzoni terroristët”, shtoi presidenti turk.

Vendimi i tij mund të shuaj shpresat e NATO-s për zgjerimin e bllokut, në samitin e planifikuar të mbahet në korrik në kryeqytetin e Lituanisë.

Finlanda dhe Suedia kanë hequr dorë nga neutraliteti ushtarak pas shumë dekadash, duke aplikuar për t’iu bashkuar Aleancës Veri-Atlantike, si kundërpërgjigje të pushtimit rus të Ukrainës.

Turqia dhe Hungaria janë vendet e vetmet, që nuk kanë arritur të ratifikojnë kandidaturën e dy vendeve me votim në parlament. /Telegrafi/