Zyrtarët e FIBA-s përfunduan vizitën në Prishtinë, kërkojnë të bëhen investime në palestrën “1 Tetori”
Më 18 dhe 19 mars 2019, në Prishtinë kanë qëndruar Radmila Turner dhe Sinan Taze, që të dy zyrtarë të lartë në FIBA Evropë.
Arsyeja e vizitës së tyre ka qenë inspektimi i hoteleve dhe palestrave të paraqitura nga Federata e Basketbollit të Kosovës për FIBA U20 Kampionatin Evropian, Divizioni B (Femrat) që do të organizohet prej 3 deri më 11 gusht 2019 në Prishtinë.
Federata e Basketbollit të Kosovës i ka paraqitur dy palestra për këtë aktivitet, palestrën e vogël në Pallatin e Rinisë dhe Sporteve, si dhe palestrën “1 Tetori”.
Zyrtarët e FIBA-s të udhëhequr nga Sekretarja e Përgjithshme e FBK-së, Elvira Dushku, e cila do të jetë në krye të organizimit të këtij eventi, i kanë inspektuar në detaje të dyja palestrat në mënyrë që të shohin se a i plotësojnë këto palestra kriteret e FIBA-s. Krahas palestrave ata i kanë inspektuar edhe hotelet në të cilat do të qëndrojnë kombëtaret, si dhe gjyqtarët, komisionerët dhe vëzhguesit, së bashku me zyrtarët e FIBA-s.
Sa i përket hoteleve, zyrtarët e FIBA-s kanë qenë shumë të kënaqur me nominimin e hoteleve nga FBK, kurse sa i përket palestrave, ata kanë kërkuar nga FBK që të bëhen investime në palestrën “1 Tetori” në Prishtinë, sepse në gjendjen aktuale, kampionati nuk mund të zhvillohet.
Zyrtarët e FIBA-s deri në fund të javës do ta dërgojnë raportin përfundimtar, me kërkesat në detaje për palestrën “1 Tetori”, ku kërkohen gjërat më elementare për mbarëvajtje sa më të mirë të një aktiviteti me kritere të FIBA-s.
Krahas vizitës inspektuese, Radmila Turner, e cila e mban pozitën e Udhëheqëses së Federatave Nacionale dhe Udhëheqëses për Sport, Rini e Antidoping në FIBA Evropë e ka zhvilluar edhe një takim pune me kryetarin e FBK-së, Arben Fetahu dhe Sekretaren e Përgjithshme, Elvira Dushkun, ku FBK ka marr lëvdata të mëdha nga FIBA për punën e madhe që po e bën për zhvillimin e basketbollit kosovar në përgjithësi, thuhet në faqen e FBK-së.
Krahas këtij takimi zyrtarët e FIBA-s janë takuar edhe me Komitetin Lokal Organizativ të FIBA U20 Kampionatit Evropian, Divizioni B – Femrat ku kanë diskutuar gjithçka rreth organizimit të këtij eventi.
Shtetet pjesëmarrëse në këtë Kampionat do të jenë: Kosova, Islanda, Kroacia, Izraeli, Ukraina, Irlanda, Britania e Madhe, Danimarka, Turqia, Rumania, Finlanda, Greqia dhe Bullgaria.
Për FBK-në, por edhe për vet Kosovën dhe sportin kosovar në përgjithësi, dhe në veçanti sportin femëror, organizimi i FIBA U20 Kampionatit Evropian, Divizioni B – Femrat, është një e arritur e madhe.
Duhet theksuar se Federata e Basketbollit të Kosovës në vitin 2018 ishte organizatore e FIBA U18 Kampionatit Evropian, Divizioni C, në të cilin Përfaqësuesja jonë triumfoi në mesin e nëntë shteteve duke u shpallur kampione dhe duke avancuar një Divizion më lartë, pra në atë B që nga viti 2019.
Lufta Prigozhin - Putin
Më shumëNga Rubrika
“Ka pasur momente kur kam qenë më i mirë se Messi” – Enis Bardhi tregon se krahasimet me argjentinasin e bëjnë krenar
Mësohet shuma e parave që Ten Hag do të ketë në dispozicion për blerje gjatë verës
Leicester City fiton rikthimin në Ligën Premier pa e zhvilluar ndeshjen
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zbulohet favoriti i ri për të fituar Topin e Artë 2024: Haaland mbetet mbrapa në garë
Girona synon transferimin e yllit të Barcelonës si lojtar i lirë në fund të sezonit
Juventusi mëson çmimin që duhet të paguajë për transferimin e Edon Zhegrovës
Arda Guler dëshmon pse e bleu Real Madridi – shënon gol ndaj Real Sociedadit
Mjafton goli i Guler, Real Madridi arkëton tri pikë në udhëtim tek Real Sociedadi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre