Riyad Mahrez ka nënshkruar një zgjatje të kontratës edhe për dy vite të tjera me Manchester Cityn, duke bërë që marrëveshja e tij me klubin të zgjatet deri në qershor 2025.

Anësori algjerian është bërë një nga figurat kryesore në skuadrën e Pep Guardiolës që kur u bashkua nga Leicester City në verën e vitit 2018.

Në katër sezone, Mahrez e ka ndihmuar Man Cityn të fitojë tre tituj të Ligës Premier League, tre Kupa të Ligës dhe një FA Cup, së bashku me arritjen e një finaleje të parë të Ligës së Kampionëve.

Deri më sot, ai ka bërë 189 paraqitje për Cityn, duke shënuar 63 gola dhe duke kontribuar me 45 asistime.

Reklama

“Jam shumë i lumtur që nënshkruaj marrëveshjen e re. Kam shijuar çdo minutë të kohës sime këtu. Është kënaqësi të jesh pjesë e një klubi kaq të jashtëzakonshëm”, ka thënë Mahrez i cili e ka përmendur edhe Pep Guardiolan, duke shtuar se është gjë e bukur të punohet me të. /Telegrafi/

Reklama