Trajneri i Real Madridit, Zinedine Zidane ka folur fjalë të mëdha për sulmuesin e tij, Karim Benzema.

Zidane e ka lavdëruar sulmuesin francez pasi ai shënoi het-trik në fitoren 3-0 ndaj Athletic Bilbao.

30-vjeçari tani ka 21 gola në La Liga në sezonin 2018-19, dhe ai duket si një lojtar i ri pas kthimit të Zidanes në klubin mbretëror.

Benzema i jep fitore Realit ndaj Bilbaos në Santiago Bernabeu Benzema i jep fitore Realit ndaj Bilbaos në Santiago Bernabeu

“Pasi u ktheva në klub, ai po luan më mirë se sa që e kam parë ndonjëherë”, ka thënë fillimisht Zidane pas ndeshjes.

Karim Benzema (Foto: Denis Doyle/Getty Images/Guliver)

“Për mua, me tetë gola me radhë, ai është numrin 9 më i miri në botë momentalisht”.

“Megjithatë, unë nuk jam i befasuar nga paraqitjet e tij – pasi e di që është i aftë për to”, përfundoi francezi. /Telegrafi/