“Zhdukja” misterioze e Kate Middletn – dyshohet se Princi William e ka tradhtuar gruan e tij?

Prezantuesi dhe komediani i famshëm Stephen Colbert ka marrë në shqyrtim çështjen e princeshës së zhdukur. Ndërsa drama rreth vendndodhjes së Kate Middleton vazhdon — pasi Princesha e Uellsit, 42 vjeçare, është parë shumë rrallë në publik pas operacionit të planifikuar në janar — Colbert ka bërë shaka mbi aferën e supozuar të Princit William me Rose Hanbury.

Teoritë e çuditshme dhe teoritë konspirative rreth vendndodhjes së saj dhe arsyes për mungesën e saj të gjatë në daljet publike kanë qarkulluar në rrjete sociale.

Komediani 59 vjeçar, tha në episodin e së martës të emisionit “The Late Show With Stephen Colbert”: “Mbretëria është rrënuar nga zhdukja në dukje e Kate Middleton. Tani, inteligjentët e internetit po hamendësojnë se mungesa e Kate mund të lidhet me një lidhje të bashkëshortit të saj dhe mbretit të ardhshëm të Anglisë, William”.

Situata u bë më e çuditshme kur Pallati Kensington publikoi një fotografi për Ditën e Nënës me Middleton dhe fëmijët e saj, të cilën dyshohet se e ka bërë vetë William, 41 vjeç. Fotoja e tregonte Middleton duke ulur dhe buzëqeshur së bashku me fëmijët e saj, Princ George, 10 vjeç, Princeshën Charlotte, tetë vjeçe, dhe Princ Louis, pesë vjeç. Fotoja më pas u tërhoq nga agjencitë e lajmeve, të cilat pretendonin se fotoja “ishte manipuluar”.

Middleton vetë mori përgjegjësinë në X (ish-Twitter) të hënën për të shpjeguar pse kishte disa ndryshime në portret. “Si shumë fotografë amatorë, ndonjëherë eksperimentoj me redaktimin. Dua të shpreh ndjesën time për çdo konfuzion që fotografia e familjes që publikuam dje shkaktoi”, shkroi ajo. Ajo përfundoi duke thënë se shpresonte që të gjithë që festonin të kishin një Ditë të Lumtur të Nënës — e cila ishte e diela në Mbretërinë e Bashkuar — dhe përfundoi në mënyrë të qetë me “C”, për emrin e saj të parë, Catherine. Pallati Kensington ka refuzuar të publikojë fotografinë origjinale të paedituar.

Thashethemet mbi fotografinë ishin të destinuara për të vendosur spekulimet mbi shëndetin e Middletonit, por në fund të fundit, kjo nuk funksionoi.

Dhe tani, siç tha Colbert, thashethemet kanë rikthyer vëmendjen në spekulimin se mungesa e Middleton nga vëmendja e publikut është në lidhje me një aferë të supozuar të bashkëshortit të saj.

“Oh jo, zemra ime është me të gjorën Kate”, tha Colbert të martën. “Pra, unë mendoj se të gjithë e dimë se cila është gruaja tjetër e supozuar. Thuajeni me mua — Sarah Rose Hanbury e njohur si Markiza e Cholmondeley — sa emër i bukur!”, tha ai me shka gjatë emisionit.

Colbert sqaroi se Cholmondeley shqiptohet “Chumley”. “Tani ka pasur thashetheme për një aferë mes William dhe Bandës së Marshimit të Mashtrimit që në vitin 2019”, tha Colbert, duke bërë shaka me titullin e saj mbretëror. “Sipas tabloideve asokohe, kur Kate dyshohet se e përballi për këtë, ai e hodhi poshtë me qeshje, duke thënë se nuk kishte asgjë aty. Gjithnjë një përgjigje e mirë kur gruaja ju akuzon për tradhti”.

Më tej Colbert kaloi në një dialekt të rremë britanik. “‘Ha ha, më përfytyroni mua duke pasur një aferë! Është për të qeshur. Më kujton një shaka –– cing, cing, kush është?’ tha ai. “‘Oh, është djali im ilegjitim. E pashë shtatzënënë dashnoren time'”.

Colbert shpjegoi gjithashtu se Hanbury është “një mik i vjetër i mbretërorëve” dhe është e martuar me “një mik të ngushtë të Williamit, David Rocksavage”.

Thashethemet për aferën e supozuar mes William dhe Hanbury, 39 vjeçe, filluan në vitin 2019 kur In Touch raportoi pretendimin. Avokati i William e mohoi atë dhe tha se ai ishte një lajm “i pavërtetë dhe shumë dëmtues”.

As Princi William, as Middleton, as Hanbury nuk kanë komentuar ndonjëherë publikisht mbi akuzat.

Kolegu i mëparshëm i Colbert në “Daily Show”, John Oliver, gjithashtu ka bërë shaka rreth vendndodhjes së Middleton. /Telegrafi/