Ylli i Real Madridit mund të kërkojë të operohet pas problemeve të rënda me gjurin

Ka qenë një sezon i vështirë për Real Madridin dhe kjo ka filluar tashmë të ndikojë tek ekipi i tyre i parë.

Niveli i tyre ka rënë në vitin 2025 dhe për disa lojtarë, numri i madh I ndeshjeve ka bërë që të kenë probleme shqetësuese me lëndimet.

Lojtari që është më së shumti i rrezikuar është Antonio Rudiger, i cili ka qenë i detyruar të luajë çdo minuta deri disa javë më parë, për shkak të lëndimeve të rënda të Eder Militaos dhe David Alabas.

Ai ka qenë mjaftueshëm me fat për të marrë një pushim të merituar në javët e fundit, por siç është zbuluar, kjo nuk ka ndihmuar aspak në problemet me të cilat është përballur ai.

Lexo po ashtu Xabi Alonso po planifikon ta marrë yllin e Bayer Leverkusenit me vete tek Real Madridi

Gjatë karrierës së tij, Rudiger ka pësuar disa lëndime serioze në gju. Ai e këputi ligamentin ACL në vitin 2016 dhe tri vite më vonë, atij iu desh një operacion për të rregulluar një tjetër problem.

Dhe këto probleme duket se kanë filluar të kenë një efekt serioz tek ai gjatë muajve të fundit.

Siç ka raportuar Relevo, Rudiger i cili pritet të hyjë në negociata të kontratës me Real Madridin në javët e ardhshme, ka qenë duke u ballafaquar me një problem në meniskusin e tij në muajt e fundit dhe për shkak se nuk ka pushuar për një periudhë më të gjatë, ky problem ka filluar të përkeqësohet gradualisht.

Reprezentuesi gjerman ka qenë në gjendje që ta durojë deri tani, por nuk përjashtohet se atij do t’i duhet t’i nënshtrohet një tjetër operacioni për ta rregulluar problemin.

Si do që të jetë, Rudiger pritet që të jetë titullar në ndeshjet e rëndësishme të Real Madridit nga tani deri në fund të sezonit, që përfshijnë dy ndeshje ndaj Barcelonës në La Liga dhe në finale të Kupës së Mbretit./Telegrafi/