Golashënuesi i dyfishtë, Georginio Wijnaldum, ka thënë se Liverpooli kishte besuar se mund ta përmbyste rezultatin ndaj Barcelonës, edhe pse këtë mendim nuk e ka pasur shumica e futbolldashësve.
Redsat fituan me rezultat 4-0, ndërsa mesfushori u inkuadrua në pjesën e dytë duke i shënuar dy gola shumë të rëndësishëm, ndërsa këtë e ka bërë për shkak të pakënaqësisë ndaj Jurgen Kloppit që nuk e inkuadroi nga minuta e parë.
(Foto: Clive Brunskill/Getty Images/Guliver)
"Është e pabesueshme. Pas ndeshjes në Spanjë, kishim besim se mund t'i shënonim katër gola në shtëpi dhe të fitonim 4-0".
"Mendoj se njerëzit jashtë klubit nuk kanë menduar se mund t'ia dilnim, por ne kemi treguar se gjithçka është e mundur".
"Isha vërtet i nevrikosur me trajnerin dhe doja t'i tregoja se çfarë mund të bëja", ka thënë Wijnaldum pas ndeshjes. /Telegrafi/
