0Shares

Mbrëmë është zhvilluar ndeshja e fundit e finales së serisë së playoff e Konferencës Perëndimore.

Ashtu sikurse vitin e kaluar edhe këtë sezon, Golden State Warriors kanë siguruar një biletë për në finalen e madhe të NBA-së.

Kampionët aktual arritën të eliminojnë skuadrës teksasiane të Houston Rockets pas fitores së katërt kundrejt tre humbjeve me rezultat 101-92.

Në fakt, basketbollistët e Houstonit ishin në epërsi pas përfundimit të pjesës së parë, por “luftëtarët” nuk lejuan që të ndodh befasia dhe në dy periudhat e fundit përmbysën gjithçka për të arritur deri tek finalja me Cleveland Cavaliers.

James Harden, Kevon Looney dhe Klay Thompson (Getty Images)

Kevin Durant dhe Stephen Curry ishin në formë të lartë në ndeshjen e fundit duke shënuar së bashku 61 pikë. I pari ishte më efikas pasi realizoi 37 pikë ndërsa i dyti shtoi 27 sosh.

Te Rockets më i dalluari në parket ishte i zakonshmi James Harden me 32 pikë gjersa Eric Gordon shtoi 23 sosh, por nuk ishin të mjaftueshme për triumfin e katërt.

Theksojmë se Warriors në finalen e madhe do të takohet me Cleveland Cavaliers, e cila eliminoi skuadrën e Boston Celtics pas katër fitoreve dhe tre humbjeve.

Kujtojmë se ndeshja e parë e finales së madhe mes këtyre dyja ekipeve do të zhvillohet të enjten (31 maj). /Telegrafi/

Të Ngjajshme
Shfaq Komentet (0)