E pandehura Suzana Zogëjani-Sekiraqa, e cila akuzohet se e kishte vrarë burrin e saj duke e goditur me sëpatë “të paktën 11 herë” në regjionin e qafës, ka dalë sërish para gjyqit.
Në Gjykatën e Prishtinës sot është mbajtur seanca e rigjykimit.
Ngjarja makabre pretendohet se ka ndodhur në Francë para pesë vitesh.
Për këtë rast, e pandehura ishte dënuar në vitin 2019 nga Gjykata e Prishtinës me 25 vjet burgim. Aktgjykimi ishte vërtetuar edhe nga Gjykata e Apelit dhe ajo Supreme.
Por, Gjykata Kushtetuese kishte vlerësuar se këto instanca gjyqësore nuk kanë përmbushur detyrimin që ta mbronin interesin më të mirë të fëmijës në procedurën penale, duke e kthyer çështjen në rigjykim.
Ky vendim i Kushtetueses u mor nga Gresa Caka-Nimani – kryetare, Bajram Ljatifi zëvendëskryetar, dhe gjykatësit Selvete Gerxhaliu-Krasniqi, Safet Hoxha, Radomir Laban, Remzije Istrefi-Peci, Nexhmi Rexhepi dhe Enver Peci.
Pikërisht për mbrojtje të interesave të fëmijës dhe dëshmitarëve në procedurë, gjykatësi Avni Syla sot mori aktvendim me të cilin e mbylli seancën për publikun.
Vendimi erdhi pasi avokatja e të akuzuares, Kosovare Kelmendi, tha se që nga seanca e kaluar ka pasur pasoja të rënda pas publikimit të seancës dhe se ishte etiketuar edhe nga publiku.
“E kam të vështirë ta ushtroj profesionin tim, ngase njerëzit nuk e kuptojnë pozitën e mbrojtësit. Ne nuk e mbrojmë krimin, i mbrojmë interesat e të mbrojturit” – u shpreh ajo në seancë.
Kështu, meqë as prokurorja Bukurije Gjonbalaj nuk e kundërshtoi propozimin e avokates, u vendos që gjykimi ndaj të pandehurës të jetë i mbyllur për publikun.
Në këtë seancë nuk prezantuan Zyra për Mbrojtjen e Viktimave, me arsyetimin se nuk kishin staf të mjaftueshëm për të marrë pjesë.
Historiku procedural i rastit
Gjykata Themelore në Prishtinë e kishte gjetur fajtore Suzana Zogjani-Sekiraqën dhe e kishte dënuar me 25 vjet burgim për vrasje të rëndë.
Vendimi ishte marrë nga gjykatësi Beqir Kalludra kryetar, kurse anëtarë Shashivar Hoti dhe Lutfi Shala.
Në dënim i ishte llogaritur dhe koha e kaluar në paraburgim nga data 5 tetor 2018.
Ky dënim ishte vërtetuar nga Apeli më 3 korrik të vitit 2020, dhe nga Supremja më 20 maj të vitit 2021.
Gjykata Kushtetuese e ka kthyer këtë rast në rigjykim duke vlerësuar se Gjykata Themelore, Apeli dhe Supremja nuk i kishin përmbushur detyrimet e tyre ligjore për një “gjykim të drejtë dhe të paanshëm”.
Kolegji i gjyqtarëve të cilët vendosën në Apel janë Kreshnik Radoniçi kryetar, Xhevdet Abazi dhe Abdullah Ahmeti – anëtarë.
Gjykata Supreme ishte në përbërje nga Nesrin Lushta kryetar, Mejreme Memaj gjyqtare referuese dhe anëtar Rasim Rasimi, kur vendosi për kërkesën e ligjshmërisë nga e akuzuara Suzana.
Sipas Gjykatës Kushtetuese nuk është zbatuar Konventa për të Drejtat e Njeriut nga gjykatat e rregullta të lartpërmendura.
Sipas aktakuzës, më 21 nëntor 2018 rreth orës 8:30 në banesën e saj në qytetin Dole – Francë, ku ishin duke jetuar së bashku me të ndjerin, e pandehura Suzana Zogjani – Sekiraqa me dashje ka privuar nga jeta në mënyrë mizore bashkëshortin e saj.
Ajo në gjykatë nuk e kishte pranuar fajësinë të përshkruar sipas prokurorisë, duke deklaruar se vrasjen e kishte kryer në vetëmbrojtje.
Në këtë proces gjyqësor aktualisht është duke vazhduar dëgjimi i dëshmitarëve francezë përmes video-lidhjeve, me trup gjykues nga Avni Syla kryetar, Sulltane Hoti dhe Edita Çanta anëtarë, raporton Kallxo.
Lufta Prigozhin - Putin
Më shumëNga Rubrika
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
A po e kushtëzon Sllovenia Kosovën me Asociacion për t’u bërë pjesë e Këshillit të Evropës – flet presidentja Pirc Musar
Një shtetas nga Serbia është mashtruar në Shkup, i kanë marrë 300 euro për një aksident të rremë
Çfarë përfiton ekonomia e Kosovës me regjistrimin e popullsisë
Parlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Arrestohet një serb në Bërnjak, dyshohet se ka kryer krime lufte në Gjakovë
Mesiq: Vuçiq si Millosheviqi, por “Serbia e Madhe” nuk do të bëhet
Italiania e dashuruar me Sarandën: Sa erdha thashë do të jetoj këtu, tani kam biznes
Rama: Problemit të mbeturinave në kryeqytet i erdhi fundi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë