LAJMI I FUNDIT:

Vetëvendosje: Dhoma e Posaçme ka interes ta likuidojë “Trepçën”

Vetëvendosje: Dhoma e Posaçme ka interes ta likuidojë “Trepçën”

Dhoma e Posaçme e Gjykatës Supreme përmes një njoftimi ka kërkuar nga Gjykata Kushtetuese vlerësimin e Ligjit për Trepçën, pasi një gjyqtar i EULEX-it pretendon se ai është antikushtetues.

Lidhur me këtë, në Lëvizjen Vetëvendosje thonë se Trepça është ndërmarrje me potencial të jashtëzakonshëm ekonomik për Republikën e Kosovës, prandaj edhe kanë insistuar që ajo ta ketë statusin e ndërmarrjes së veçantë publike.

Gjyqtari i EULEX-it: Ligji për Trepçën është antikushtetues
Lexo po ashtu Gjyqtari i EULEX-it: Ligji për Trepçën është antikushtetues

“Cilado formë e privatizimit, apo edhe më keq, likuidimit të Trepçën do ta dëmtonte dhe cungonte potencialin ekonomik të Republikës së Kosovës – një ekonomi pra që hap vende të reja të punës, një ekonomi e bazuar në prodhim industrial dhe zgjerim të kapaciteteve për rritje të vlerës së shtuar brenda Kosovës, dhe një ekonomi që garanton shpërndarje më të madhe të pasurisë përmes punësimit dhe garantimit të kushteve më të mira e të drejtave më të mëdha për punëtorët”, ka thënë për Telegrafin zëdhënësi i VV-së, Frashër Krasniqi.

Kushtetuesja pranon se Supremja i ka dorëzuar kërkesën për shfuqizimin e ligjit për Trepçën
Lexo po ashtu Kushtetuesja pranon se Supremja i ka dorëzuar kërkesën për shfuqizimin e ligjit për Trepçën

Sipas tij, interesi i Dhomës së Posaçme është likuidimi i Trepçës.

“Interesi i Kosovës është ta ketë një Trepçë të zhvilluar në funksion të së mirës së përgjithshme dhe mirëqenies së qytetarëve. Privatizimi i saj që po do ta bëjë qeveria është në interes të blerësve potencialë (të cilët mbase tashmë i kanë të identifikuar). Interesi i Dhomës së Posaçme është ta likuidojë atë”, vlerëson Krasniqi.

Gjatë ditës, Dhoma e Veçantë e Gjykatës Supreme njoftoi se i është drejtuar Kushtetueses me një kërkesë pasi që një gjyqtar i EULEX-it, duke mbrojtur kërkesat e paditësit të ndërmarrjes Trepça, ka arritur në përfundim se ligji është antikushtetues për dy arsye, që sipas tij, janë të bazuara në të drejtën që e garanton pronën.

Kjo është ankesa e gjyqtarit të EULEX-it që mund ta përmbysë ‘Trepçën’ (Dokument)
Lexo po ashtu Kjo është ankesa e gjyqtarit të EULEX-it që mund ta përmbysë ‘Trepçën’ (Dokument)

Ai pretendon se ligji ka efektin e një shpronësimi pa kompensim në dëm të paditësit dhe se shpronësimi i pjesshëm kryhet në dobi të personave privat pa ndonjë arsyetim.

Lidhur me këtë, i menjëhershëm ka qenë edhe reagimi i Qeverisë së Kosovës, duke thënë se ky ligj nuk mund të kontestohet për nga ana kushtetuese nga ndonjë gjyqtar i Dhomës së Posaçme. /Telegrafi/

Qeveria: Ligjin për Trepçën nuk mund ta kontestojë asnjë gjyqtar 
Lexo po ashtu Qeveria: Ligjin për Trepçën nuk mund ta kontestojë asnjë gjyqtar