Gianluigi Buffon ishte i vetmi lojtar që i fliste italianit Leonardo Bonucci te Juventusi gjatë muajve të fundit.

Mbrojtësi përfundoi transferimin prej 42 milionë eurove në San Siro ndërsa arsyeja e largimit raportohej se ishte prishja e atmosferës mes shumicës së lojtarëve në raport me reprezentuesin italian, transmeton Telegrafi.

Vetëm një lojtar haptazi e përshëndeti atë në mediat sociale dhe ishte Buffon.

“Skuadra dhe shokët e udhëtimit,” shkroi portieri. “Ne e përshkuam së bashku një pjesë të së njëjtës rrugë së bashku. Një rrugë fituese. Unë të uroj më të mirën. Do të më mungoj”, tha ndër të tjerash Buffon.

Pesë fitues dhe tre humbës të mëdhenj në transferimin e Bonuccit Pesë fitues dhe tre humbës të mëdhenj në transferimin e Bonuccit

I menjëhershëm ka qenë reagimi i Bonuccit, duke thënë se kapiteni do t’i mungoj.

“Do të më mungosh edhe ti. Faleminderit për fitoret që kemi ndarë, betejat e fituara edhe ato të humbura. Ne do ta shohim njëri-tjetrin në kombëtaren”, ishte reagimi i Bonuccit. /Telegrafi/

Zbardhen disa detaje të reja pse u largua Bonucci prej Juventusit Zbardhen disa detaje të reja pse u largua Bonucci prej Juventusit