Valtteri Bottas është fituesi i provave të para të lira në garën për Çmimin e Madh të Brazilit në Botërorin e Formula 1.

Piloti finlandez bëri një paraqitje fantastike në sesionin e dytë të provave të lira duke e përshkuar pistën e Interlagos me kohën 1 minutë 8 sekonda e 846 të mijtat.

Valtteri Bottas (Foto: Charles Coates/Getty Images/Guliver)

Ai la në vendin e dytë në këtë sesion shokun e tij të skuadrës, Lewis Hamilton, me vetëm tri të mijtat më shumë, ndërkohë që shumë pranë ishte edhe Ferrari i Sebastian Vettel me 73 të mijtat më shumë se Bottas, transmeton Top Channel.

Lajmet për Formula 1 Lajmet për Formula 1

Ndërkohë që pas tij ishin dy makinat Red Bull të Max Verstappen dhe Daniel Ricciardos, ndërsa Kimi Raikkonen nuk shkoi më shumë se vendi i gjashtë.

Vlen të theksohet se Ricciardo u penalizua me pesë pozicione për garën e së dielës për shkak të ndërrimit të turbokompresorit që mori flakë në garën për Çmimin e Madh të Meksikës.

Bolidi i Valtteri Bottas (Foto: Lars Baron/Getty Images/Guliver)

Gara e Brazilit është e parafundit në edicionin e sivjetmë të Formula 1 që përfundon me garën në Abu Dhabi.

Çështje e kampionit për pilotë është zgjidhur, pasi Lewis Hamilton e ka siguruar matematikisht titullin. Ka mbetur të zgjidhet vetëm çështja e titullit të konstruktorëve.