Mathieu Valbuena, me gjithë problemet e tij ligjore në të kaluarën me francezin Karim Benzema, nuk mban mëri ndaj sulmuesit të Real Madridit dhe e pranon se numri 9 meriton të fitojë Topin e Artë për vitin 2022.

Reklama

Rasti i shumëpërfolur rreth skandalit seksual të të dyve u vu plotësisht në drejtësi vetëm së fundmi, me Benzemën që hoqi dorë nga apeli vetëm javën e kaluar.

Kjo ka bërë që ish-reprezentuesi i Francës, Valbuena ta vlerësoj yllin e Real Madridit për formën që po kalon ky i fundit.

Mbaron saga e skandalit seksual: Benzema heq dorë nga apelimi i dënimit për ‘rastin Valbuena’ Mbaron saga e skandalit seksual: Benzema heq dorë nga apelimi i dënimit për ‘rastin Valbuena’

“Do të ishte e pandershme të thuash se Benzema nuk e meriton Topin e Artë. Po, ai e meriton. Unë mund të flas objektivisht në një nivel sportiv dhe mund ta bëj me kënaqësi. Nuk ka asnjë problem”, ka thënë fillimisht Valbuena për RMC.

Reklama
Reklama

Në sezonin 2021/22, Benzema ka shënuar 44 gola dhe ka dhënë 15 asistime në 46 paraqitje, një shifër shumë e respektueshme dhe diçka që e bën atë favorit për të fituar Topi i Artë 2022 në Paris më 17 tetor.

Valbuena nuk ka inat ndaj Benzemas

Valbuena ka deklaruar gjithashtu se nuk ka mëri për ish-shokun e skuadrës në lidhje me skandalin.

“Nuk mbaj fare inat dhe gjithmonë kam thënë atë që kam për të thënë. Ishte një kohë e vështirë, por një kohë nga e cila munda të shërohesha. Tani secili shkon në rrugën e vet”, shtoi francezi.

Benzema u shpall fajtor për këtë çështje dhe u dënua me një vit burg me kusht, të cilin ai do ta vuante në rast të përsëritjes së veprës penale. Ai është dënuar edhe me 75 mijë euro.

Reklama
Reklama

“Për mendimin tim, heqja dorë nga një apel do të thotë shumë gjëra, pas së cilës secili mund të mendojë çfarë të dojë”.

“Për mua, gjëja më e rëndësishme është të jem në gjendje të vazhdoj përpara, sepse shtatë vjet nuk janë asgjë”, përfundoi mesfushori francez.

Gjatë procesit, avokatët e Benzemas mbrojtën tezën se veprimet e futbollistit ishin ekskluzivisht për të ndihmuar Valbuenën, pa ndonjë qëllim keqdashës. /Telegrafi/