Manchester Unitedi është kthyer ndaj disavantazhi për të regjistruar fitore ndaj Aston Villas (3-1) në stadiumin Villa Park.

Bertrand Traore e zhbllokoi rezultatin në minutën e 24 me një solo aksion duke realizuar një gol të bukur dhe me epërsi minimale të vendasve skuadrat shkuan në pushim.

Në gjysmën e dytë, Djajtë e Kuq përmbysën gjithçka. Fillimisht, Bruno Fernandes e barazoi rezultatin me një gol të shënuar nga pika e bardhë (52’).

(Foto: Twitter/Manchester United)

Nuk zgjati shumë dhe u realizuar goli i dytë. Mason Greenwood pranoi një top nga Aaron Wan-Bissaka u rrotullua dhe e dërgoi në rrjetë (56’).

Një harkim të Marcus Rashford e shfrytëzoi Edinson Cavani për ta shënuar me kokë golin e tretë të mysafirëve (87’).

Manchester Unitedi është 10 pikë prapa liderit Manchester City (me një ndeshje më pak të zhvilluar) ashtu që festa e Citizens është shtyrë për një xhiro tjetër.

Standings provided by SofaScore LiveScore

Aston Villa është tetë larg zonës evropiane, ashtu që do të mjafton vetëm më faktin që edhe në sezonin e ardhshëm do të luajë në Ligën Premier. /Telegrafi/