U telefonua në ora tetë të mëngjesit, nuk u lejua të përshëndetet me lojtarë – detaje nga shkarkimi i Lampardit nga Chelsea
Frank Lampard u shkarkua në mënyrë jozyrtare nga Chelsea të hënën në mëngjes, pas një shfaqje të dobët deri në këtë mes të edicionit, dhe legjendës së klubit nuk iu dha as shansi për t’u thënë lamtumirë lojtarëve të tij.
Presioni ishte në rritje mbi golashënuesin më të mirë të të gjitha kohërave të klubit në javët e fundit, pasi forma e tyre ishte zhdukur, por gjërat u përkeqësuan në fillim të dhjetorit.
Humbja ndaj Leicester City një javë më parë dukej se i dha fund, por Lampard mori fitoren kundër Luton Toën në FA Cup në fundjavë, por kjo nuk i shpëtoi punën e tij.
Sipas Athletic, ish-trajneri i Derby Countyt u thirr në një takim në klub rreth orës 8 të mëngjesit të së hënës, i cili ishte i ‘jashtëzakonshëm’, por e la Lampardin duke ditur saktësisht se çfarë do të vinte.
Takimi u mbajt nga drejtoresha Marina Granovskaia dhe kryetari Bruce Buck, çifti informoi ish-mesfushorin për vendimin e tyre dhe shpjegoi pse, me të duke ofruar mendimet e tij.
Sun raporton se takimi i orës 8 të mëngjesit zgjati vetëm gjysmë ore dhe raportet fillestare rreth vendimit u bënë publike në mesditë.
Lojtarëve u është thënë herët të hënën se stërvitja ishte zhvendosur nga ora 10:30 në orën 14:00 dhe kjo ishte një nga gjërat e para që shkaktoi mendime se trajneri do të humbte punën.
Petr Cech u foli lojtarëve për vendimin para stërvitjes pasdite dhe Granovskaia mbajti një takim me ta pas stërvitjes për të shpjeguar situatën, me sa duket, aty ka folur për emërimin e ardhshëm të Thomas Tuchel.
Nga ana tjetër, Lampard nuk iu dha mundësia të fliste me lojtarët e tij dhe të thoshte lamtumirë. Pas humbjes ndaj Leicesterit, ai kishte shtrënguar duart me lojtarët dhe ‘falënderoi individët për përpjekjet e tyre’, siç thuhet në raportin Athletic.
42-vjeçari, i cili dha një deklaratë përmes Shoqatës së Trajnerëve të Ligës pas shkarkimit të tij, u pagua deri në fund të sezonit, që besohet të jetë katër milionë funte në vit, me vitin e tretë të kontratës së tij një ‘opsion’ kështu që kompensimi për të nuk ishte i nevojshëm.
Tuchel pritet të jetë në krye të skuadrës në kohë për ndeshjen kundër Wolvesit të mërkurën në mbrëmje. Blutë janë vetëm pesë pikë larg nga katër vendet e para, një kërkesë minimale për ekipin dhe 11 larg kreut të tabelës.
Lampard arriti përsëri në Chelsea në rrethana të vështira dhe i drejtoi ata përsëri në Ligën e Kampionëve për këtë sezon, ndërsa arriti edhe në finale të FA Cup.
Ai mund të kishte kthyer gjërat për mirë në Stamford Bridge nëse do i jepej kohë, por në fund të fundit ai kishte raportin më të keq të fitoreve nga të gjithë trajnerët nën epokën Abramovich dhe rusi nuk është ai që u jep strategëve kohë. /Telegrafi/
Promo
Reklamo këtuLufta Prigozhin - Putin
Më shumëTrajneri i Palmeiras i lutet presidentit të mos e shesë Messinhon, thotë se nuk ka parë kurrë këso lojtari
Saka shpëton mrekullisht pas ndërhyrjes horror të Christie, gjyqtari befason duke mos e ndëshkuar lojtarin
Xabi Alonso mund të prishë planet e Barcelonës në Ligën e Kampionëve 2024/25
Barcelona dhe Bayern Munich po konsiderojnë shkëmbimin e çmendur, marrëveshja do t'i bënte të dy klubet jashtëzakonisht të lumtur
Bellingham dhe gjashtë lojtarë të tjerë të Real Madridit do të fitojnë titullin e parë të ligës këtë sezon
Nuk pajtohet me Ancelottin, mbrojtësi i Real Madridit ka gjetur destinacionin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City