Ministria e Barazisë në Spanjë (departament në qeverinë e Spanjës, fokusi i të cilës është barazia gjinore dhe politikat që luftojnë të gjitha format e dhunës ndaj grave) ka nisur një fushatë verore për të inkurajuar gratë e shqetësuara se si duket trupi i tyre për të shkuar në plazh.

“Vera është gjithashtu e jona”, shkruan slogani mbi një imazh të pesë grave të ndryshme të formave dhe madhësive të ndryshme.

“Të gjithë trupat janë trupa plazhi”, tha ministrja e Shërbimeve Sociale, Ione Belarra.

Drejtuesja e Institutit të Grave – Antonia Morillas tha se pritjet fizike ndikuan jo vetëm në vetëvlerësimin e grave, por u mohuan atyre të drejtat e tyre.

Reklama

Ilustrimi i fushatës së pesë grave që pushojnë në plazh gjithashtu paraqet një grua ‘topless’ pas një mastektomie (operacion kirurgjik për heqjen e gjoksit).

Reklama

Instituti, i cili qëndron pas nismës, tha se ishte një përpjekje për të treguar se të gjithë trupat kishin vlefshmëri.

Simptomat e goditjes nga nxehtësia - Katër shenjat që tregojnë që keni qëndruar shumë diell Simptomat e goditjes nga nxehtësia - Katër shenjat që tregojnë që keni qëndruar shumë diell

Femrat duhet ta shijojnë verën, sido, kudo dhe me kë të dëshirojnë, thuhej në reklamë: “Sot ngremë dolli për një verë për të gjithë, pa stereotipe dhe dhunë estetike ndaj trupit tonë”.

Por jo të gjithëve u bëri përshtypje fushata. Disa pyesnin veten nëse duhet të zgjerohet për të përfshirë burra pa të ashtuquajturat trupa standardë, ndërsa lideri i krahut të majtë Cayo Lara tha se fushata ishte kulmi i absurditetit, duke u përpjekur të “krijojë një problem aty ku nuk ekziston”. /Telegrafi/

Reklama