Ish-ambasadorja e Kosovës në ShBA, tash nënkryetare e Partisë Demokratike të Kosovës, Vlora Çitaku gjatë intervistës në “Përballje” me kryeredaktorin Muhamet Hajrullahu në Telegrafi.com ka folur për pozicionin e PDK-së pas zgjedhjeve lokale 2021, për reformën në këtë parti dhe rolin e saj në opozitë. Çitaku ka folur edhe për qeverisjen e Albin Kurtit si dhe ka treguar se cilat janë dështimet e qeverisjes sipas saj.
Politika e jashtme, menaxhimi i pandemisë dhe dorëheqja e gjeneralit Rrahman Rama, sipas Vlora Çitakut, konsiderohen disa nga dështimet e Qeverisë së Kosovës.
Ajo u shpreh se rasti i Ramës është i paprecedentë.
“Ditëve të fundit pamë dorëheqjen e komandantit të Forcës së Sigurisë së Kosovës, gjeneral Rrahman Rama. Është e paprecedentë që një situatë e tillë. Ka pasur edhe më herët që janë ndërruar, dikush ka shkuar në pension e dikush dika tjetër. Mirëpo të kërkohet nga komandanti i FSK-së që të shfrytëzoj asetet e FSK-së për operacione policore është shkelje e rëndë. Besoj që çdo gjë është bërë e qartë. Zotëri Rama e don Kosovën, është shërbyes i vyer publik, unë nuk pres që ai të flas. Ministri i Mbrojtjes ka kërkuar nga gjenerali Rama që t’ia jap në shfrytëzim asetet e FSK-së, për operacione policore”, tha Çitaku.
Sipas saj, ministri i Mbrojtjes, Armend Mehaj ka qenë ai që i ka kërkuar gjeneralit Rama asetet e ushtrisë për operacione policore, çka ka sjellë deri në kërkesën për dorëheqje.
“Është shkelje flagrante e Ligjit, por edhe marrëveshjeve me partnerët ndërkombëtar, të cilët e kanë bërë donacionin. Për mua kjo ka qenë jashtëzakonisht shqetësuese sepse është prekur në integritetin e institucionit më kredibil dhe më profesional që ka ndërtuar Kosova në këto 20 vite. Këtë e ka bërë ministri Mehaj, sigurisht ai nuk ka vepruar vetëm, për këtë duhet të ketë përgjigje sepse është cenuar integriteti i institucionit më kredibil i Kosovës”, tha Çitaku.
Po ashtu, ish-ministrja e ambasadorja e Kosovës në ShBA, ka thënë se çështja e emërimit të ambasadorëve në shumë shtete të botës është abstenim nga ushtrimi i politikës së jashtme.
“E mora këtë si diçka më të freskët, sepse ne kemi pasur gjashtë muaj ambasada tona pa titullar. Ky është abstenim nga ushtrimi i politikës së jashtme. Ka pasur edhe situata të tjera, mirëpo nuk është detyra e opozitës vetëm të kritikoj. Nuk do ta marrim modelin e të bërit opozitë siç është bërë deri më tani. Ne e kemi paralajmëruar dhe këtë çështje e kemi të rregulluar edhe me statut. Do të formojmë kabinetin e qeverisjes së mirë, prej nga ne shpresojmë që Qeverisë aktuale, të jemi në gjendje të i ofrojmë jo vetëm kritikë, por edhe alternativë”, u shpreh Çitaku.
Ndërkaq, sa i përket menaxhimit të pandemisë, Çitaku tha se Qeveria nuk ka bërë sa duhet për tu dal në ndihmë qytetarëve të vendit tonë.
“Edhe ky vit ka qenë një vit i rëndë, është dominuar nga pandemia dhe pasojat që ka prodhuar ajo. Fatkeqësisht, këtu si referencë po i marrë vendet e rajonit, fatkeqësisht Qeveria e Kosovës nuk ka bërë sa duhet që t’i dal në ndihmë jo vetëm sektorit publik, mjekëve, por edhe sektorit privat i cili është goditur jashtëzakonisht rëndë në këto dy vitet e fundit”, u shpreh ajo.
Tutje, Çitaku theksoi se vendet e rajonit kanë kaluar tashmë nga tri e katër pako ekonomike, por që në Kosovë nuk është zbatuar as një në plotni.
“Përderisa vendet e rajonit, kanë kaluar nga tri e katër pako të rimëkëmbjes ekonomike, ne mezi e kemi kaluar një e edhe ajo nuk është zbatuar në plotni. Kam qenë vet në Qeveri dhe nuk pres mrekulli nga askush, mirë është që edhe zotëri Kurti e ka parë që as ai nuk mundet me bo mrekulli. Jam racionale dhe dua të jem korrekte në kritikë, por është bërë shumë pak në shërbim të rimëkëmbjes ekonomike”, tha Çitaku.
Ndërkaq, e pyetur nëse partia në të cilën ajo është pjesë, ka kredibilitet që të bëj kritika duke qenë se ka udhëhequr Kosovën për një kohë të gjatë ajo u shpreh se qeverisja e PDK-së i ka pasur të mirat e saj, mirëpo tha se ka pasur edhe mangësi.
“PDK-ja nuk ka udhëhequr Kosovën nga 2007 me kryeministër deri në vitin 2014. Më herët ka qenë në opozitë. Kemi qenë në bashkëqeverisje, por nuk ka qenë vet. PDK-ja ka trashëgiminë e saj, aty ka edhe suksese edhe mangësi, ka gjëra që është dashur t’i bëjmë edhe më mirë. Ka një arsye pse jemi në opozitë. Ne i kemi dëgjuar qytetarët e Kosovës, na e kanë dërgu një mesazh më 14 shkurt”, tha Çitaku. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Policia i gjen në trup të dyshuarit në Prishtinë një pistoletë me gjashtë fishekë
Vrasja e mjekut në Shkup, caktohet masa e arrestit shtëpiak për dy persona
Arrestohet i dyshuari në Gjilan për mashtrim – Policia konfiskon stoli, dokumente, një veturë dhe disa pajisje tjera
Pse Mali i Zi votoi kundër Kosovës në KiE, flet Dritan Abazoviq
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia