Transformimi i Besartës nga Prishtina, 12 kilogramë më pak falë emisionit “Metamorfoza”

Emisioni “Metamorfoza” në transmetimin e përjavshëm sjell ndryshimin e personazheve, të cilët shprehin pakënaqësi në dukjen e tyre.

Moderatorja e këtij programi, Suzana Mushkolaj, kujdeset që mysafirët e ftuar t’i ndihmojë në ndryshimin e pamjes dhe orientimit profesional.

Njëra ndër protagonistet e këtij emisioni është edhe Besarta nga Prishtina, e cila është paraqitur në këtë program shtatë javë më parë m e dëshirën për të humbur kilogramët e tepërt.

Episodi i kësaj jave, i 31-ti me radhë ka sjell ndryshimin e Besartës pas disa javësh përkushtimi në palestër dhe një regjimi të duhur ushqimor.

Ajo ka kryer me rregull ushtrimet në qendrën e fitnesit “FiveStar” në prishtinë, në shumicën prej të cilave ka qenë e pranishëm edhe vet moderatorja e emisionit, e cila shquhet për paraqitjen e saj skenike.

Dymbëdhjetë kilogramë është totali që Besarta kishte arritur të humbiste gjatë gjithë këtyre javëve.

Për të mësuar më shumë se si ajo arriti këtë rezultat, mund të ndiqni episodin e 31-të të emisionit “Metamorfoza”. /Telegrafi/