Trajneri i Ajaxit, Erik ten Hag, ka insistuar se Juventusi ka një stil loje ndryshe nga Real Madridi dhe ata nuk do të fokusohet vetëm te Cristiano Ronaldo.

Holandezi e pranon se Zonja e Vjetër është favorite, por ata duan të vazhdojnë aventurën në Ligën e Kampionëve.

“Juventusi është favorit, posaçërisht pas rezultatit 1-1 në Amsterdam”, ka thënë Ten Hag në konferencën për media.

Lojtarët e Ajaxit pas ndeshjes ndaj Juventusit (Foto: Michael Steele/Getty Images/Guliver)

“Ne duhet të shënojmë këtu (Torino). Duhet të kalojmë edhe një herë limitet tona, e dimë. Ne kemi treguar se mund t’ia arrijmë nëse luajmë mirë. Juventusi është ekip ndryshe nga Real Madridi, tashmë e kemi diskutuar  këtë në ndeshjen e parë pasi ata kanë stil ndryshe të futbollit”.

“Javën e kaluar ne e kemi kontrolluar ndeshjen, por nuk arritëm të shënojmë më shumë se një gol. Pres që Massimiliano Allegri të bëjë disa ndryshime dhe të mbrohet më thellë, por ne duhet të bëjmë më mirë dhe të kalojmë limitet tona”.

Trajneri i Ajaxit i zbulon dy klubet favorite për t'i siguruar shërbimet e De Ligt Trajneri i Ajaxit i zbulon dy klubet favorite për t'i siguruar shërbimet e De Ligt

“Qëndrimi në Evropë pas fazës së grupeve dhe eliminimi i Real Madridit ishte fantastike,  por ne duam një tjetër ndeshje të paharrueshme. Kemi më shumë besim, mentalitet më të mirë dhe ekipi vjen gjithmonë i pari”.

“Ne nuk do ta ruajmë Cristiano Ronaldon gjithmonë me një lojtar, kjo është diçka që nuk e bëjmë kurrë”, ka thënë Erik ten Hag. /Telegrafi/