Trajneri i Ajaxit, Erik ten Hag, ka thënë se nuk ka asnjë gjasë që Matthijs de Ligt të qëndojë më gjatë në skuadrën që ai drejton.

Ajaxi është duke u përgatitur për ndeshjen që e zhvillon ndaj Juventusit në Torino, pasi e para në Amsterdam ishte mbyllur 1-1.

Erik ten Hag nuk ka folur për duelin kundër Juves, por për kapitenin e tij De Ligt.

Matthijs de Ligt. (Photo by Michael Steele/Getty Images)

Në një prononcim të dhënë për mediat gjermane, trajneri i Ajaxit e ka pranuar faktin që kapiteni do të largohet në fund të sezonit.

Hag ia ka zbuluar edhe dy kandidatët kryesorë për shërbimet e mbrojtësit.

“Ekzistojnë zero shanse që De Ligt të vazhdojë me ne edhe sezonin e ardhshëm, sepse shumë klube janë të interesuara për të”.

Erik ten Hag . (Photo by Dean Mouhtaropoulos/Getty Images)

“Ai do të largohet në fund të sezonit, por nuk e di nëse do të shkojë te Bayern Munich apo Barcelona”, deklaroi ai. /Telegrafi/