“Tragjedi” dhe “turp” – si u shemb trashëgimia e ndërtuar nga Michael Schumacer në Formula 1

Rrënimi i ngadaltë që po i ndodhë Formulës 1 në Gjermani, sport ky i ndërtuar me shumë mund nga Michael Schumacher, ka filluar të vihet në pah nga Norbert Haug.

Legjenda e sportit më të shpejtë në botë ende ndan rekordin me Lewis Hamilton për më së shumti kampionate të fituara (shtatë) dhe ishte një mega-yll që e çoi sportin e në nivel tërësisht tjetër.

Sot, nuk jepet më Çmimi i Madh i Gjermanisë në F1, asnjë ekip të madh me bazë në Gjermani dhe asnjë pretendent të mundshëm për titull nga vendi.

Lexo po ashtu Si e tradhtoi ish-shoku i ngushtë Michael Schumacherin, pak çaste nga aksidenti i tmerrshëm me ski

“Në Gjermani, Formula 1 është kthyer në një tragjedi për të cilën çdo entuziast i motorsportit mund të turpërohet për atë që ka ndodhur”, deklaroi për RND ish-shefi i Mercedes, Haug.

“Midis 1994 dhe 2016 ka pasur kampionë gjermanë të botës si në një linjë montimi, shtatë tituj nga Michael Schumacher, katër radhazi nga Sebastian Vettel dhe në fund i fundit nga Nico Rosberg në 2016”.

“Mercedes fitoi katër tituj botërorë për pilotë midis 1998 dhe 2009 me ekipet e tij partnere si McLaren dhe Braën GP me Mika Hakkinen, Leëis Hamilton dhe Jenson Button, ekipi i Mercedes Silver Arroës u bë kampion botëror i konstruktorëve tetë herë radhazi nga 2014 në 2021, duke marrë gjashtë tituj botërorë me Hamilton dhe një me Rosberg”.

Lexo po ashtu Djali i Michael Schumacher, Mick - publikon fotografi me babain e tij, derisa gjendja shëndetësore e legjendës së Formula 1 është ende e turbullt

“Në fund të viteve ’90-ta dhe në vitet 2000, kishte dy gara të Formula 1 në Gjermani në vit, përpara tribunave të mbushura me mbi 100,000 spektatorë secila, dhe në RTL të ndjekur nga 12 milionë njerëz, në vend të tre milionëve sot”.

“Në vitin 2010 kishte shtatë pilotë gjermanë të Formula 1 në një sezon, sot ka vetëm Nico Hulkenberg në një ekip të klasit të dytë dhe Mick Schumacher një pilot rezervë shpresëdhënës – por të paktën në ekipin e duhur”.

“Nuk ka pasur një çmim të madh gjerman për një kohë të gjatë. A”, shtoi Haug. “Audi, i cili do të futet në Formula 1 në vitin 2026, Mercedes, ADAC, AvD, sponsorët gjermanë dhe të gjithë të ashtuquajturit palë të interesuara duhet të pështyjnë fuqishëm në duart e tyre, të punojnë me talentët e rinj dhe të punojnë së bashku për të siguruar që firmat e makinave që prodhon Gjermania të mos bëhen në fund pre e urrejtësve të makinave, të cilët shpërfillin faktin se prosperiteti në vend u krijua në një masë të madhe falë automobilave dhe sukseseve të tij në eksport dhe vazhdon ta bëjë këtë me gjithë tentativat siluruese”, vazhdoi ai.

Lexo po ashtu Ishte sekret gjatë gjithë kohës: Por, ish-menaxherja e Michael Schumacher hedh dritë mbi atë se përse nuk po tregohet gjendja e legjendës së F1

Mick Schumacher mbetet shpresa më e mirë e Gjermanisë për një yll të ardhshëm të F1. Ai u hoq nga lista e pilotëve F1 për vitin 2023 nga Haas dhe në vend të kësaj do të jetë piloti i tretë i Mercedes.

“Për Mickun, për mendimin tim, ky është me të vërtetë një fat i mirë dhe Mercedes do të bënte shumë mirë të nënshkruante një pilot gjerman në ekipin e tyre në Formula ”, ka shtuar Haug.

Lexo po ashtu Postim i çuditshëm në Instagramin e Michael Schumacher - derisa gjendja e tij shëndetësore mbahet e fshehtë

“Asgjë nuk është e pamundur nëse Mick i qaset detyrave që i janë caktuar me një fokus, të zellshëm dhe të etur për të mësuar, dhe kjo është pikërisht ajo që unë supozoj”.

“Ai do ta shfrytëzojë këtë mundësi mësimi dhe trajnimi dhe do të nxjerrë më të mirën prej saj. Nëse gjithçka funksionon siç e imagjinojnë palët e përfshira, gjithçka është e mundur për Mick. Por së pari: kokën poshtë, flisni pak dhe punoni më shumë dhe mësoni shumë”, përfundoi Haug. /Telegrafi/