Mesfushori danez, Christian Eriksen mund të largohet nga Tottenham Hotspur gjatë afatit kalimtar veror.
Kampioni në fuqi i Evropës, Real Madrid është njëra nga skuadrat favorite për transferimin e danezit.
Spurs janë gati ta lënë të lirë të largohet ylli i tyre, por vetëm me çmimin që ata duan ta shesin.
Mirror ka raportuar se Tottenham janë pajtuar me largimin e Eriksen, por për ta lënë të lirë po kërkojnë 160 milionë euro.
Christian Eriksen. (Foto: Justin Setterfield/Getty Images/Guliver)
Kjo shumë duket e lartë dhe vështirë se Los Blancos do të pranojnë të paguajnë aq shumë për Eriksenin.
Mediat spanjolle ditë më parë kanë raportuar se presidenti i Realit, Florentino Perez është gati të paguajë deri 120 milionë euro për mesfushorin ofensivë.
Gjithsesi në garë për lojtarin mbetet edhe kampioni në fuqi i Francës, Paris Saint Germain. /Telegrafi/
