Tifozët e Real Madridit kanë votuar në një anketë rreth lojtarëve që do të dëshironin t’i transferonin në verë, me Eden Hazard që i prinë listës, ndërsa Paul Pogba është në vendin e fundit.

Ylli belg ishte padyshim lojtari që tifozët e skuadrës spanjolle e duan në Satiago Bernabeu gjatë afatit kalimtar të kësaj vere duke marr 34,700 vota, por që shihet edhe si zëvendësues ideal i Cristiano Ronaldos që u largua në verën e kaluar në drejtim të Juventusit.

Duke dërguar një mesazh të qartë, tifozët e Los Blancos kanë bërë të ditur poashtu se ata nuk e duan transferimin e Paul Pogbas nga Manchester United.

Foto: (The Sun)

Fituesi i Kupës së Botës ka kaluar nëpër një sezon të vështirë në Old Trafford, derisa kjo ka bërë që tifozët e Real Madridit mos ta pëlqejnë kalimin e tij në Spanjë.

Hazard është shënjestra kryesor e madrilenëve për afatin kalimtar të verës, ndërsa Chelsea siç duket është njoftuar me dëshirën e vjetër të belgut që të transferohet në Santiago Bernabeu.

Real Madrid Real Madrid

Në anketën e realizuar, tifozët e Real Madridit kanë votuar edhe për transferimin e Luka Jovic, Christian Eriksen, Neymar dhe Tanguy Ndombele. /Telegrafi/