Tifozët e Real Madridit duan largimin e Modric, votat e tij për lojtarin më të mirë bëhen shkaktar

Tifozët e Real Madridit dëshirojnë që Luka Modric të largohet nga klubi, pasi kanë para votat e tij për çmimin e lojtarit më të mirë nga FIFA.

Ylli i Inter Miamit, Lionel Messi, e mposhti norvegjezin Erling Haaland, për të fituar çmimin “Lojtari më i mirë” nga FIFA.

Ky çmim ipet për lojtarin me performancat më të mira për periudhën kohore nga 19 dhjetori 2022 deri më 20 gusht 2023.

36-vjeçari mposhti Haalandin për të marrë këtë çmim, ani pse ai kishte shënuar 30 gola për Cityn mes periudhës pas Kupës së Botës dhe para datës 20 gusht 2023.

Lexo po ashtu Lionel Messi zgjidhet më i miri nga FIFA për vitin 2023

Gjatë kësaj kohe, Haaland arriti që të fitojë Ligën Premier, Ligën e Kampionëve dhe FA Cup.

Messi dhe Haaland në fakt përfunduan me pikë të barabarta (48) dhe vendimi final mbeti në duart e kapitenëve të kombëtareve, ku të gjithë ata duke filluar nga Harry Kane e deri tek Jonny Evans, votuan për Messin.

Lexo po ashtu Messi dhe Haaland kishin pikë të njëjta - pse argjentinasi u zgjodh më i miri nga FIFA?

Për më shumë, kapiteni i Kroacisë, Luka Modric, shkaktoi zemërim të madh duke vendosur Messin si zgjedhjen e tij të parë dhe më pas në vendin e dytë Rodrin dhe në të tretin Brozovic.

Një tifoz shkroi: “Modric jashtë, pse e votuat Messin si më të mirin? Po tallesh Luka? Jeni shumë qesharak”.

Një person tjetër tha: “A je i çmendur? Pse votuat për Messin?”.

Një person i tretë tha: “Nuk mund të gënjej se është çmenduri të votosh për Messin si më i miri, pasi ai nuk bëri asgjë këtë sezon. Nuk ka kuptim”./Telegrafi/