Këngëtarja shqiptare me renome ndërkombëtare, Bebe Rexha, është treguar më pak aktive kohëve të fundit në rrjetet sociale.
Në një rrëfim të sinqertë të bërë në rrjetin social TikTok, interpretuesja e hitiut “I’m a mess” kishte bërë të ditur për fansat e saj se arsyeja pse ka postuar shumë më pak fotografi se zakonisht vitin e fundit, është shtimi në peshë.
Megjithëse u shpreh e zhgënjyer me veten, Bebe Rexha duket se ka gjetur shpejt frymëzimin për ta dashur veten, pavarësisht të metave.
Ajo së fundmi ndau me ndjekësit e saj në InstaStory disa imazhe nga shtrati i saj, ku dukej mjaft atraktive në një këmishë nate të kuqe, ndërsa i kishte flokët e saj bionde të mbledhura lart.
32-vjeçarja ua bëri të ditur fansave se e kishte realizuar vet makijazhin e saj, gjersa ishte e kënaqur me këtë dukje, duke marrë poza të njëpasnjëshme.
Këngëtarja e hitit “In the name of love” u lajmëruar gjithashtu në Twitter pas shumë kohësh.
Ajo shkroi disa statuse duke treguar se si e kishte ndjerë mbrëmjen e së martës një nga tërmetet e vogla që kishte goditur Los Angelesin.
“Falë Zotit që kam Twitter për të hyrë dhe për t’u siguruar që pati vërtetë një tërmet në Los Angeles. Nuk jam e çmendur”, shkroi Rexha në një status.
Artistja, emri origjinal i së cilës është Bleta Rexha vitin e kaluar nxori në shitje albumin e saj shumë të suksesshëm, “Better Mistakes”, gjersa i është futur punës për të punuar në albumin e saj të tretë. /Telegrafi/
