Të paktën dy të vrarë dhe të tjerë të zhdukur pas një sulmi rus në Kharkiv

Të paktën dy persona janë vrarë dhe të tjerë rezultojnë të zhdukur pas një sulmi rus që goditi Kharkivin e Ukrainës.

“Dy bomba ajrore ruse të drejtuara goditën një market në Kharkiv. Sipas raporteve të përditësuara, dy persona u vranë”, tha Oleh Syniehubov, kreu i administratës ushtarake rajonale të Kharkiv.

“Shërbimet e specializuara ndodhen në vendngjarje. Të gjithë të lënduarve po ju ofrohet ndihma”, tha Syniehubov.

“Nuk ka asnjë objekt të vetëm ushtarak afër”, shtoi ai.

Bëhet e ditur se dy të vdekurit ishin punonjës të marketit, ka njoftuar kreu i Prokurorisë Rajonale të Kharkiv, Oleksandr Filchakov, shkruan CNN, përcjell Telegrafi.

Lexo po ashtu SHBA sërish e ndihmon ushtarakisht Ukrainën - dërgon raketahedhësa HIMARS

Presidenti ukrainas, Volodymyr Zelensky, e quajti sulmin një “sulm brutal”, duke thënë se 200 njerëz mund të kishin qenë brenda.

Gjithashtu, thuhet se brenda marketit ka pasur sasi të konsiderueshme materialesh të ndezshme, të cilat po e bëjnë më të vështirë shuarjen e zjarrit.

Ndryshe, Zelensky përsëriti se “nëse Ukraina do të kishte mjaftueshëm sisteme të mbrojtjes ajrore dhe aeroplanë modernë luftarakë, sulme të tilla ruse do të ishin të pamundura”. /Telegrafi/