LAJMI I FUNDIT:

Të paktën 12 persona humbën jetën në Evropë nga stuhia Ciaran

Të paktën 12 persona humbën jetën në Evropë nga stuhia Ciaran

Të paktën 12 persona kanë vdekur pasi stuhia Ciaran goditi Evropën Perëndimore me erëra rekord deri në 200 kilometra në orë, duke shkaktuar kaos trafiku pasi portet u mbyllën, kurse udhëtimet me tren dhe avionë u anuluan.

Pesë persona kanë vdekur në Toskanë, njoftuan të premten autoritetet italiane, duke thënë se ishte shpallur gjendje e jashtëzakonshme për shkak të reshjeve rekord.

“Ajo që ndodhi sonte në Toskanë ka një emër: ndryshimi i klimës”, shkroi guvernatori i Toskanës, Eugenio Giani në rrjetin X.

Kryetari i Bashkisë së Firences, Dario Nardella, tha se “situata është kritike” në atë qytet.

Videoja e gazetares spanjolle që "lufton" me erërat e fuqishme gjatë raportimit, bëhet virale në rrjetet sociale
Lexo po ashtu Videoja e gazetares spanjolle që "lufton" me erërat e fuqishme gjatë raportimit, bëhet virale në rrjetet sociale

Mbrojtja civile e Italisë tha se 200 milimetra shi ranë brenda tri orëve, nga qyteti bregdetar i Livornos deri në luginën e brendshme të Mugello, duke shkaktuar daljen e lumenjve nga shtretërit e tyre.

Pemët që u rrëzuan nga erërat e stuhishme shkaktuan shumicën e vdekjeve në Evropë. Në qytetin belg të Gentit, një djalë pesëvjeçar nga Ukraina dhe një grua 64-vjeçare vdiqën nga rënia e degëve.

Nga rrëzimi i pemëve, më herët, u mbyt një shofer kamioni në rajonin Ain të Francës veriore. Autoritetet franceze njoftuan gjithashtu për vdekjen e një burri që ra nga ballkoni i tij në qytetin port të Avros.

Një burrë në qytetin holandez Venraj, një grua në qendër të Madridit dhe një person në Gjermani kanë vdekur gjithashtu.

Rreth 1.2 milion shtëpi franceze mbetën pa energji elektrike pasi stuhia goditi bregun veriperëndimor.

Stuhia shkaktoi ndërprerje në trafikun hekurudhor, atë ajror dhe detar në Belgjikë, me portin e Antwerp-it të mbyllur dhe fluturimet e anuluara nga Brukseli.

Shpërthimet e erës në rajonin perëndimor Brittany ishin “të jashtëzakonshme” dhe “shumë rekorde absolute u thyen”, tha shërbimi kombëtar i motit Meteo-France.

Në jug të Anglisë, qindra shkolla u mbyllën pasi valët e mëdha të nxitura nga erërat me shpejtësi 135 kilometra në orë goditën bregun.

Në ishullin Channel të Jerseyt, banorët u desh të evakuoheshin në hotele gjatë natës, pasi erërat deri në 164 kilometra në orë dëmtuan shtëpitë, raportuan mediat lokale.

Më shumë se 200 fluturime u anuluan në aeroportin Schiphol të Amsterdamit, një qendër e rëndësishme evropiane e trafikut ajror.

Shërbimet ajrore, hekurudhore dhe tragetet kanë anuluar fluturime dhe kanë regjistruar vonesa të gjata në disa vende.

Pasojat e stuhisë u ndien në jug të Spanjës dhe Portugalisë dhe autoritetet spanjolle paralajmëruan për valë deri në nëntë metra të larta përgjatë bregut të Atlantikut.

Në Spanjë, më shumë se 80 fluturime u anuluan në 11 aeroporte.

Shërbimi meteorologjik francez njoftoi se stuhitë do të vazhdojnë edhe të premten, veçanërisht në jugperëndim të vendit dhe në ishullin e Korsikës. /REL/


Në trend Botë

Më shumë
Ai nuk e priste këtë lloj lamtumire të pensionimit në Barcelonë: Shoferi i autobusit ndaloi në stacion dhe më pas qau si fëmijë ​

Ai nuk e priste këtë lloj lamtumire të pensionimit në Barcelonë: Shoferi i autobusit ndaloi në stacion dhe më pas qau si fëmijë ​

Evropa

"Kush do të më thërrasë baba", rrëfimi i palestinezit që humbi mbi 100 anëtarë të familjes

Azia
Ukrainasit vrasin me dron ushtarët rusë - publikohen pamjet e tmerrshme pas sulmit

Ukrainasit vrasin me dron ushtarët rusë - publikohen pamjet e tmerrshme pas sulmit

Evropa
Numër rekord i rusëve kërkojnë azil në këtë vend – dhe ai nuk është në Evropë

Numër rekord i rusëve kërkojnë azil në këtë vend – dhe ai nuk është në Evropë

Botë
Parlamenti Evropian miraton paketën 50 miliardë euroshe për Ukrainën - shumica e parave nuk janë ndihma

Parlamenti Evropian miraton paketën 50 miliardë euroshe për Ukrainën - shumica e parave nuk janë ndihma

Evropa
Videoja rrëqethëse e palestinezes së vogël nga Gaza, me lot në sy thotë se i mungon buka

Videoja rrëqethëse e palestinezes së vogël nga Gaza, me lot në sy thotë se i mungon buka

Azia
Kalo në kategori