Tani është e qartë, mësohet se në çfarë Musk dëshiron ta shndërroj platformën X

Pronari i platformës X ka publikuar një video të shkurtër që flet shumë për lëvizjen e radhës që do të bëjë.

Janë të njohura planet e Elon Muskut, i cili dëshiron të përdorë platformën X për të krijuar një aplikacion për të gjithë, sipas modelit kinez WeChat, transmeton Telegrafi.

Kjo është një nga arsyet kryesore pse bleu Twitter-in, një rrjet me një numër të madh përdoruesish, transformimin e të cilit nisi të punonte menjëherë pas blerjes, gjë që shumë përdorues të mëparshëm nuk e pritën me entuziazëm.

Përveç rrjetit social, Musk nga X dëshiron të krijojë një platformë për komunikim dhe pagesa, dhe dëshiron t’i kushtojë shumë rëndësi përmbajtjes video.

Se çfarë do të bëjnë konkretisht nuk dihet saktësisht, pasi dje ai ka postuar një video 12 sekondëshe duke njoftuar X TV në profilin e tij X.

Siç tregohet në postimin e bashkangjitur, video nuk zbulon shumë, por Musk njoftoi muajin e kaluar se aplikacioni do të jetë identik me atë që ofron YouTube përmes aplikacionit të tij të televizorit inteligjent.

pic.twitter.com/PJgxu0AszT

— Elon Musk (@elonmusk) April 29, 2024

Planet në lidhje me përmbajtjen video në platformën X dhe aplikacionin X TV u njoftuan fundjavën e kaluar nga drejtoresha ekzekutive e kompanisë, Linda Jakarino.

“Do të jetë shoqëruesi juaj për një eksperiencë argëtimi cilësore dhe gjithëpërfshirëse në ekranin më të madh”, ka shkruar ajo në rrjetin e saj social.

Ngjashëm me YouTube, aplikacioni do të shfaqë përmbajtje të njohura që do të zgjidhen për përdoruesit nga inteligjenca artificiale, ndërsa videoklipet do të bazohen në një përvojë të personalizuar.

Ajo theksoi gjithashtu lidhjen mes pajisjeve të ndryshme, kështu që përdoruesit që kanë filluar të shikojnë video në telefonin e tyre do të mund të vazhdojnë të shikojnë në TV, ndërsa kërkimi dhe gjetja e videove do të jetë më e thjeshtë dhe më e shpejtë.

Për të tërhequr sa më shumë përdorues, Musk ftoi një nga Youtuber-ët më të njohur, Mr. Beast në platformën e tij. Në videon që postoi, ai tregoi se si përdoruesit dhe krijuesit e përmbajtjeve në platformën X mund të përfitojnë financiarisht ngjashëm me YouTube.

From the small screen to the big screen X is changing everything. Soon we’ll bring real-time, engaging content to your smart TVs with the X TV App. This will be your go-to companion for a high-quality, immersive entertainment experience on a larger screen. We’re still building it… pic.twitter.com/QhG6cVDpZ8

— Linda Yaccarino (@lindayaX) April 23, 2024

Një javë pas publikimit të një videoje në të cilën ai teston vetura të shtrenjta në platformën X, Mr. Beast ka fituar më shumë se 260,000 dollarë, duke tërhequr afro 160 milionë shikime dhe më shumë se pesë milionë pëlqime dhe komente.

Musk është qartazi vetëm në fillim me X TV dhe mbetet të shihet se si do ta pranojnë përdoruesit aplikacionin e ri dhe sa do ta përdorin. Pronari i saj ndoshta do të përpiqet të tërheqë të famshëm dhe influencues të tjerë për të krijuar dhe publikuar përmbajtje në rrjetin e tij.

Ai kishte nënshkruar kontratë me ish-prezantuesin e CNN, Don Lemon, për të pasur shfaqjen e tij në X, por në fund marrëveshja dështoi, gjoja për shkak të kërkesave të tepërta që Lemon i bëri Musk, nga një Cybertruck falas në pagesa paradhënie prej 5 milionë dollarësh, aksione në platformë X, etj. /Telegrafi/