Tabloidi i famshëm TMZ shkruan për Dua Lipën: Vogëlushja që u rikthye nga Kosova në Londër me aspirata të mëdha

Tabloidi i famshëm ndërkombëtar, TMZ, i ka dedikuar një artikull të veçantë historisë së Dua Lipës këto ditë.

Në disa rreshta, tabloidi me seli në Los Angeles të Kalifornisë shkruan se di Dua ishte një vajzë me ëndrra të mëdha që në fëmijërinë e saj.

“Ju mund të mos e besoni, por kjo vajzë e vogël në të vërtetë e urrente emrin e saj dhe dëshironte një më të thjeshtë … si Hannah, Sarah ose Ella”, nisi shkrimn TMZ dedikuar artistes Lipa.

“Dmth kjo ndodhi, derisa ajo u rrit dhe mësoi se emri i saj i parë do të thotë “dashuri” në shqip. Ajo ka lindur në Londër por prindërit e saj janë shqiptarë të Kosovës”, ka vazhduar tutje tabloidi ndërkombëtar.

Ajo së bashku me familjen e saj u transferuan në Kosovë kur ishte 11 vjeçe, por u kthye katër vjet më vonë me aspirata të mëdha për tu bërë këngëtare.

Pasi punoi për një kohë si modele, ajo përfundimisht nënshkroi një kontratë me një lbale dhe pjesa tjetër ishte histori.

Kënga e saj “One Kiss”, me Calvin Harris i solli asaj ndër sukseset më të mëdha dhe në vitin 2019, ajo fitoi çmimin Grammy për ‘artisten e re më të mirë’.

“Kënga “Elcetricity” në bashkëpunim me Silk City, gjithashtu u shpërblye me një çmim Grammy në kategorinë ‘Kënga më e mirë rimtike’”, shkruan TMZ.

TMZ gjithashtu ka publikuar edhe në faqen e tyre në Instagram një fotografi të Duas, të realizuar në fëmijërinë e saj të hershme, duke I drejtuar për te artikulli special dedikuar histories së veçantë të artistes me origjinë shqiptare, që sot pushton majat e botës. /Telegrafi/

View this post on Instagram

This little girl and her family moved from London to Kosovo when she was 11 years old, but returned 4 years later with huge aspirations of becoming a singer. After working as a model, she eventually signed a record deal and the rest was history. WHO IS SHE? Link in Bio for the reveal

A post shared by TMZ (@tmz_tv) on Mar 20, 2020 at 7:05am PDT