Studentët konkurrojnë për banesën më të papastër (Foto)

Janë duke i mbledhur përmes internetit fotografitë e studentëve të Britanisë së Madhe, në përpjekje që të gjendet fituesi për banesën më të papastër.

Duke pasur parasysh se shumë prej tyre, ndajnë përmes rrjeteve sociale papastërtinë në të cilën jetojnë, është menduar që të zgjidhet edhe ai që e bën më së miri, transmeton Telegrafi.

Shumica prej fotografive janë bërë nga bashkëbanuesit apo prindërit, në përpjekje që t’i turpërojë studentët për këto veprime.

Por, ka raste kur vijuesit e fakultetit i kanë postuar vet, që të tregojnë se janë duke mësuar dhe nuk kanë kohë për pastrim dhe vendosje të rregullit në banesë.

Enë të palara, ushqime gjysmë të ngrëna, plehra të shpërndara dhe shumë papastërti, kryesojnë në këto imazhe, që nuk po pëlqehen.

“Nuk janë vetëm mësimet, por duhet të jenë edhe shprehitë e shëndosha siç është pastrimi. Këto e përbëjnë një njeri normal”, është një koment.

Në anën tjetër, po vazhdon dërgimi i fotografive si dhe votimi, për atë që nuk e ka pastruar banesën për një kohë të gjatë. /Telegrafi/