Dua Lipa vazhdon me sukseset dhe bukuroshja shqiptare nuk e ka ndërmend të ndalet.
Këngëtarja e shumë hiteve do të fillojë turneun britanik në pranverë, kësaj radhe në lokacione më të mëdha.
Këngëtarja nga Prishtina pritet të nisë turneun në mbarë botën, por teksa sukseset e koncerteve në Amerikë s’po ndalen, ajo gati sa nuk i ka shitur biletat për turneun britanik.
Me një postim në rrjetin social Instagram ajo u ka bërë thirrje adhuruesve të saj që të marrin biletat e fundit, sepse ato vetëm sa nuk janë shitur. Ky është një sukses fenomenal për Duan.
Dua së fundmi ka publikuar një cover në përkujtim të Amy Winehouse, që u mirëprit nga adhuruesit e muzikës britanike.
Performancat e saj janë të paharrueshme...
Pos tjerash, ajo së fundmi performoi në sallën e YouTube në New York, ku fascinoi të pranishmit me performancën “live” me bend.
Dua Lipa vazhdon të shijojë suksesin e madh të hitit “New Rules”, që ka thyer rekordet në vitin 2017 në muzikën botërore. /Telegrafi/
