Shakira fiton tetë çmime në “Premios Juvented 2023”

Të gjithë sytë ishin tek Shakira ndërsa mori pjesë në çmimet “Premios Juvented 2023” në San Juan, Puerto Riko, të enjten.

Krijuesja e hitit “Whenever, Wherever”, 46 vjeçare, tërhoqi vëmendjen me një fustan të kuq që ia tregonte figurën e mahnitshme.

Artistja kolumbiane e kombinoi ansamblin me syze dielli dhe një palë taka të ngjashme.

Bukuroshja, e cila anashkaloi tapetin e kuq, mori tetë çmime, duke përfshirë këngën më të mirë ‘Pop/Urban’.

Pasi mësoi se do të merrte në shtëpi disa trofe, nëna e dy fëmijëve doli në skenë: “Fati më i mirë që kam pasur është me fansat e mi. Ju më frymëzoni të jem më e mirë dhe të mos dorëzohem kurrë”.

“Të jem e sinqertë, kur kisha dyshime për veten, më bëtë të besoja përsëri në veten time. Kur ndihem e brishtë, ju më jepni forcë. Ju më keni mbrojtur, keni qenë besnikë më mua. Festoni gëzimet e mia dhe jeni me mua edhe në betejat e mia”, vazhdoi ajo.

Në një moment, ajo është parë duke përqafuar djemtë e saj, Milanin dhjetë vjeç dhe Sashën shtatë vjeç, të cilët ishin në publik.

Shakira viteve të fundit ka qenë në vëmendje për shkak të ndarjes nga ish-futbollisti, Gerard Pique.

Ata u ndanë në qershor të vitit të kaluar, pas raportimeve se Pique e kishte tradhtuar Shakiran me Clara Chia Martan. /Telegrafi/